euskalkultura.eus

2024/05/30 - Mundaka, Bizkaia

Estefania Larrinaga Bilbao 88 urte zituela hil da Mundakan.

Bere azken urteak Euskal Herrian eman ditu, Estatu Batuetako seme-alaben ardura eta maitasuna lagun.

Estatu Batuetara emigratua, Nevadako Elkon bizi izan zen gehienbat bere bizitza amerikarrean, eta gero azken urteetan Boisen. Elkon hazi zituen, senarra Bernardo Yanci lesakarrarekin batera, hiru seme-alabak, Stephanie, Ricardo eta Miren Begoña.

Musikazale, kantuzale, dantzaria eta atxikia, oso pertsona ezaguna izan zen Elkon eta Boisen, bertako euskal komunitate eta euskal etxeetako kide, eta lankide. Senarra, 2016an zendua, musikari eta soinujotzailea zuen, Lesakako deitura horretako saga ospetsukoa; eta seme-alabak ere dantzari izandakoak eta arduradunak izan dira, eta dira, euskal komunitatearen eta amerikar komunitatearen baitan.

Elizkizunak bere alde Euskal Herrian, maiatzaren 30ean, osteguna, egingo dira, 19etan, Mundakako Andres Mariaren Zeruratze Parrokian. Estatu Batuetako funtzioen berri, aurrerago emango da.

Goian Bego (GB)