Lide Hernandok (ahotsa eta gitarra), Iñigo Etxarrik (gitarra, koruak eta perkusioa), Joshka Natkek (baxua) eta Iker Vazquezek (bateria) osatzen dute Liher taldea. Lide Hernandok jarri zuen egun Liher bilakatu den proiektuaren lehen hazia, eta 2015eko udaberrian Arrazoi gutxi, Denbora Asko maketa grabatu zuen Zaldibiko HaizeBazterrak sorkuntza espazioan. 2015eko azaroan estreinatu zuen taldea, eta bandaren lehen lan luzea izan zen Hauts diskoa. Horri Tenpluak erre auto-ekoitzitako lanak jarraitu zion. 11 abestiz osatua dago, eta taldekoen arabera lehen diskoak baino rock kutsu handiagoa du.
Europan zehar egin duten biraren xehetasunak eta etorkizuneko asmoak azaldu dizkigute Hernando, Etxarri eta Natkek, eta bideo batean bildu ditugu: