Iroshimako bonbardaketatik bizirik atera zen Ginkgo Biloba baten haurra landatu dute gaur Gernikan (Bizkaia) bonbardaketaren karietara egiten ari diren ekitaldietako batean. Kazumi Matsui Iroshimako alkatea, Jose Mari Gorroño Gernikako alkatea eta Unai Rementeri Bizkaiko Diputatu Nagusia ere ekitaldian izan dira, besteak beste, Urkulluz gaiz. Mayors for Peace elkarteko ordezkariak ere izan dira.
Gernikako bonbardaketa eta Hiroshimako sarraski nuklearra salatu ditu Urkulluk, eta "gerraren kontrako eta mundu guztiko bakearen aldeko mezu erradikala" zabaldu behar dela azpimarratu du. Hala, Gernikako arbola eta Hiroshimakoa senidetzearen garrantzia azpimarratu du.
Gernikakoa "bakearen, demokraziaren eta askatasunaren irudia da", Urkulluren hitzetan, eta ohartarazi du, "inoiz" ez litzatekeela erabili behar "inolako indarkeria justifikatzeko".
"Bakean bizi eta elkarbizitzeko itxaropena dagoen mezua eman nahi dut, gerrarik gabe eta terrorismorik gabe", esan du. "Gizakiaren duintasuna, eta elkabizitza erein, zaindu eta hazi beharreko balioak izanik".
Matsui gogotsu azaldu da Ginkgo Biloba Gernikan indartsu haz dadin, eta Gernikako Arbola bezala, "bakearen ikurra" izan dadin.
Lagun bati bidali
Komentarioa gehitu
