Hegoafrikako ordezkaritzak honako gai hauekiko interesa azaldu du: teknologiaren, berrikuntzaren eta energiaren sektoreak, Bilboko Portua, euskal enpresen nazioartekotzea, unibertsitateak, euskarari buruzko Eusko Jaurlaritzaren politika eta Euskadiko uraren kudeaketa, batez ere klima-aldaketaren eraginak kontuan hartuta. Ordezkaritzaren buru Nhlanhla Ngidi izan da, Willies Mchunu presidentearen aholkulari berezia.
Adierazitako helburu horrekin egin dira bilerak Eusko Jaurlaritzaren hainbat ordezkarirekin, eta SPRI eta EVE agentziekin, Innobasquerekin, Energia Klusterrarekin, Zamudioko Parke Teknologikoarekin, URA agentziarekin, Tecnaliarekin…
Hegoafrikako BPGri egindako ekarpenean bigarrena den lurralde honen eta Euskal Exekutiboaren arteko harremanak The Climate Group Nazioarteko Sarearen baitan hasi ziren, eta gogoratu behar da lehendakaria bertako presidentekidea izan dela azken lau urteotan. Bestalde, Iñigo Urkullu lehendakaria eta orduan probintzia honen lehen ministroa zena Parisen elkartu ziren COP 21 Klimaren Gailurrean iazko abenduan.
Egun hauetako bisitak Eusko Jaurlaritzaren eta KwaZulu-Natal probintziako Gobernuaren arteko lankidetzaren ateak zabaldu ditu hainbat arlotan, eta datozen asteotan joango dira zehazten.
Lagun bati bidali
Komentarioa gehitu
