Urtzi Urkizu. «Diseinua askoz ere garbiagoa da», gaineratu du aldizkariko kazetari Leire Palaciosek. «Testuak eta argazkiak soiltasunez emango ditugu». Aldizkarian egindako aldaketen harira eraberritu dute webgunea. «Irakurterraztasuna eta soiltasuna mesedetzen dituen diseinu garbia du webgune berriak», dio Abaroak.
Palaciosek nabarmendu duenez, etapa berri honetan sortzaile eta ekintzaile berriekin egingo dute apustua: «Adibidez, zuzenean estudioetara joango gara, diskoen sorkuntza prozesua ezagutzeko».
Webgunean, papererako landutako edukiez aparte, bestelako edukiak landuko dituztela iragarri du Abaroak: «Papererako eduki atenporalak utziko ditugu, eta gaurkotasunari lotutakoak webgunean lehenetsiko ditugu».
Palaciosek argi du bidea: «Irakurleek ez dute gurera moldatu behar, baizik eta guk moldatu behar dugu irakurleetara».
Lagun bati bidali
Komentarioa gehitu
