euskalkultura.eus

Baiona, Lapurdi. Ipar Euskal Herritik Pauen eserlekua lortuko duten 24 departamenduko kontseilariak definituak dira. Lehen itzulian sorpresak agertu ondoren, alderdi politikoek astean zehar alde batera edo bestera jo dute. Beste batzuek aldiz, EH Bai bezala gaurko hautua hautesleen esku utzi dute; konsignarik ez emaitea erabaki dutelako. Bigarren itzuli huntan lortutako emaitzei esker, zentro eskuinak zortzi kantonamenduetan garaipena lortu du: Angelu, Baigura-Mondarrain, Baiona 1, Biarritz, Euskal Mendialdea, Bidaxune-Amikuze-Oztibarre, Donibane Lohizune eta Uztaritze-Errobi-Urdazurin. Bestalde, sozialistak hiruetan Baiona 2, 3 eta Hendaian. Azkenik, EH Bai alderdiak batean: Errobi-Aturrin.

Hona hemen Ipar Euskal Herrian hauteskundeen parte hartze kopurua:

Baiona 1: 

Baiona 1 kantonamenduan biztanleriaren %77,7a Angelun bizi da eta horrek dirudienez Claude Olive hiriko auzapezaren alde jo du. Astean zehar Fronte Nazionalak konsignarik ez emaitea erabaki du. Hala ere, gaurko emaitzek sorpresa handirik ez dute eskaini. Azkenean eskuinak 5.225 bozkekin garaipena lortu du.

- Eskuineko batasuna : Claude Olive eta Florence Lasserre David %66,22
- Departamenduko ezkerra: Mokrane Oukhemanou eta Sandra Pereira %33,78

Baiona 2: 

Kantonamendu berri huntan hauteskunde hauen emaitzek, eskuinaren aitzinamendu argi bat islatu dute. Aurrerapen hori bigarren itzulian ez da gauzatu. 
Aste huntan zehar alderdiek zein aldetara joko duten iragarri dute. Abertzaleek konsignarik eman ez duten bitartean, Ezkerreko Fronteak ezkerra bozkatzera deitu dute. Azkenean, sozialisek lortu dute garaipena. 

- PS : Juliette Muller eta Christophe Martin %55,31
- Eskuineko batasuna : Christian Millet-Barbe eta Françoise Brau-Boirie %44,69

Baiona 3 

Baiona 3 kantonamenduan Marie-Christine Aragon eta Henri Etcheto sozialistak, UMP/UDI/Forces 64 eskuineko aliantzako Christine Lauqué eta Yves Ugaldekin lehiatu dira. Aurreiskupenek zioten bezala, alderdi batek eta besteak lortutako boz kopurua ez da hain ezberdintasun handikoak izan. Hain zuzen ere, lehen itzulian 41 bozen tartea zuten. Baina azkenean, gaurko hauteskundeekin berriz ere alderdi sozialistaren garaipena ikusi da, 3.507 bozekin. 

- Eskuineko batasuna : Christine Lauqué eta Yves Ugalde %47,48
- PS : Marie-Christine Aragon eta Henri Etheto %52,52

Hendaia:

Urruña historikoki eskuina da, Hendaia eta Biriatu ezkerrekoak dira. Kantonamendu huntan agertzen diren ideologiek ezkerra eta eskuinaren arteko lehia bultzatu dute. Kotte Ezenarro eta Chantal Kehringen binonioak (PS) 2.281 boz lortu zituen bigarren itzulira iristeko eta etiketarik gabeko Battitt Salaberrik eta Marie-Josée Goiak 1.422 boz. Azkenean, aurreikuspenek zioten bezala, Hendaiako kantomenduko hautesleek sozialisten alde jo dute.

- Departamenduko ezkerra : Kotte Ecenarro eta Chantal Kehring Cottencon %52,85
- Eskuin independenteak : Battitt Salaberry eta Marie-Josée Goya %47,15

Donibane Lohizune:

Donibane Lohizuneko kantonamenduan, bigarren itzulira pasatuz EH Baik sorpresa handia eman du eta Phillippe Juzan eta Isabelle Dubarbierekin zuzenean lehian sartu da. Nahiz eta lehen itzulian emaitzek tarte handia islatu duten, aste huntan ezkerreko hautagaien posizio hartzeek tarte hori tipitzea lortu dute. Hala ere, UMPko alderdiak bozen %54,60a lortu du eta horrekin batera bi jarleku Pauen. 

- UMP : Phillippe Juzan eta Isabelle Dubarbier Gorostidi % 54,60
- EH Bai : Peio Etheverry-Ainchart eta Leire Larrasa %45,40

Angelu:

Nahiz eta astean zehar bozkatzeko konsignarik ez agertu familia politiko horretan, kantonamenduak ezkerrera jo du. UMP-UDI-Force 64 hautagaiak sozialistek lortutako bozen bata-bestetik hurbil ziren, baina azkenean ezkerreko ahotsak sozialisten alde agertu dira. Horrek garaipena eskaini die Sandrine Derville eta Guy Mondorge binonioari. 

- Eskuineko batasuna : Patrick Chasseriaud eta Nicole Darrasse %56,84
- Departamenduko ezkerra : Sandrine Derville eta Guy Mondorge %43,16

Biarritz: 

Lehen itzulian lehiatu diren bederatzi listetatik, Max Brisson eta Maider Arosteguy naiz Ghislaine Haye eta Guy Lafite pasatu dira bigarren itzulira. Nahiz eta, ez batzuek ez besteek, martxoaren 22an gainditu beharreko hautesleen %12,5a lortu ez duten, legez, gaurko hauteskundeetan parte hartzeko osibilitatea zuten. Eskuina eta ezkerraren arteko lehia huntan, bozen %54,96ak garaipena eskaini dio eskuineko batasunari. 

- Eskuineko batasuna : Max Brisson eta Maider Arosteguy %54,96
- Departamenduko ezkerra : Ghislaine Haye eta Guy Lafit %45,04

UZTARITZE, ERROBIKO IBARRA ETA URDAZURI

Lehen itzulia eta gero, Uztaritze, Errobi eta Urdazuriko kantonamendurako bigarren itzuliko aurreikuspenak egitea zaila izan da. Gaurko lehia UMP-UDI-Forces 64 eta EH Bai alderdiaren artean jokatu da. Nahiz eta kanpoan gelditu diren taldeek konsignarik ez eman, herritarrek Philleppe Etcheverria eta Bénédicte Luberriagaren binonioa hautatzea erabaki dute. Hain zuzen ere, bozen %55,57a lortu dute, Joana Urbistondo eta Santiago Capendegyren %44,43ren kontra.

- EH Bai : Joana Urbistondo, Santiago Capendeguy %44,43
- Eskuineko batasuna : Phillippe Etheverria, Bénédicte Luberriaga %55,57

MENDIALDEA 

Lehen itzulian, Pepela Mirande eta Annick Troundayen binonioa (eskuin independenteak), gaurko hauteskundeetan parte hartzeko faboritoak ziren. Hala gertatu da, batez ere, Xiberoan lortutako emaitza onei esker. Baina denen sorpreserako, EH Baik ere gaurko lehian bere tokia irabazi du Garazi-Baigorri, Bidarrai edo Baigorrin lortutako boz kopuru handiari esker. Hala ere, hautesleak ez dituzte konbentzitu eta garaipena eskuineko batasunarentzat izan da. 

- EH Bai : Léonie Aguergaray eta Antton Curutcharry %42,87
- Eskuineko batasuna : Pepela Mirande eta Annick Trounday Idiart %57,13

BIDAXUNE, AMIKUZE, OZTIBARRE ALDEA

Ordura arte eskuineruntz joan den kantonamenduan sorpresa anitz agertu dira. Hain zuzen ere, nahiz eta gehienek Jean-Jacques Lasserre eta Anne-Marie Bruthé Pauen lehen itzulitik tokia irabaziko zutela pentsatzen zuten, gaur EH Bairekin lehian aritu behar izan dira.
Hala ere, hitzorduan, Bidaxune, Amikuze eta Oztibarreko hautesleek eskuineko batasunaren (UMP-UDI-Forces 64) alde jotzera erabaki dute. Gaur egun arte kontseilaria zena, berdin segituko du, hark eta haren kideak lortutako bozen %61,86ri esker.

- EH Bai : Anita Lopepe eta Xabi Larralde %38,14
- Eskuineko batasuna : Jean-Jacques Laserre eta Anne-Marie Bruthé %61,86

ERROBI-ATURRI 

Lehen itzulian Errobi-Aturrin agertutako emaitzak gehien harritu dutenak izan dira. Hain zuzen ere, gaur lehiatu diren alderdiak muturretako ideologietakoak direlako. Abertzaleak Fronte Nazioanalarekin aritu dira buruz-buru. Aste guztian iragandako iragarpenak alde batera utzita, azkenean, Alain Iriart eta Fabienne Ayensaren binonioa hautesleak beren alde jo dute, bozen %78,05a lortuz.

- FN : Dave Dagerre eta Anais Mendilahatxu %21,95
- EH Bai : Alain Iriart eta Fabienne Ayensa %78,05

BAIGURA eta MONDARRAIN

Hautesleek bigarren itzulirako zituzten aukerak anitzak ez dira izan. Gaurko lehiaketa etxe berdinean jokatu da. Martxoaren 29an iragandako hauteskundeetan Vicent Bru-Isabelle Pargade eta Frantxa Etxeberri-Cachau-Beñat Intxauspe buruz-buruz aritu dira; biak UDI alderdikoak. Normalean, lehen itzulian boz gehien lortutako binonioak alderdiaren sustengua izan behar zuen, baina ez da kasua izan. Departamenduko UDIko idazkari nagusiak "hauturik egingo ez zutela" iragarri zuen. "Hautesleena da hitza". Boz emaileek Vincent Bru eta Isabelle Pargaden binonioa irabaztea erabaki dute. 

- UDI : Vincent Bru eta Isabelle Pargade %57,31
- Eskuineko batasuna : Frantxe Etheverry-Cachau eta Beñat Inthauspe %42,69