Berlin, Alemania. Pandemia garaian eten ondoren, Berlingo 'Gernika' Kulturverein Euskal Etxeak berriro ere ekin dio lehenago urtero antolatu ohi zuen bere Euskal Zinemaldia antolatzeari eta edizio berri bat iragarri du datorren asteburu honetarako, azaroaren 17, 18 eta 19an, hiru izenburu emanez, Paul Urkijoren 'Irati', Ander Iriarteren 'Karpeta urdinak' eta Maru Soloresen 'Aztarnak', hurrenez hurren, ostiralean, azaroak 17 'Irati', larunbatean azaroak 18 'Karpeta urdinak' eta igandean azaroak 19 'Aztarnak', euren zuzendarien eskutik. Saio guztiak Kino Moviementon, 20:00etan.
Berlingo Euskal Zinemaldiko eta bertan pantailaratuko diren ienburuen berri ematen duen iragarkia
Bestalde, hiriburu alemana esparru duen Gernika Kulturverein euskal etxe berlindarretik, bertako lehendakari Ainhoa Añorga Osak adierazi dio EuskalKultura.eus-i programa oso bat prestatu dutela azaro eta abenduan, besteak beste 2023ko Euskararen Eguneko ospatuz, eta aurtengoan ostiralarekin, abenduaren 1ean, kontzertu bat antolatu dutela Garazi eta Sala kantariekin urtero euskal etxeetan besta eta ospakizun handia den hitzordu honekin bat eginez.
Lagun bati bidali
Komentarioa gehitu
