euskalkultura.eus

Vitoria-Gasteiz. Ekimena egin ahal izan da 150 erakunde publiko, fundazio, familia eta partikularrei esker, 500 bat agiri eman baitituzte, aurkezpenean Antonio Rivera Kultura sailbuordeak azaldu zuenez. Atari bakar baten bidez euren artxiboak eskuratzeko eta ikusteko aukera ematearen truke, lagundu duten pertsona eta antolakunde guztiek euren agiri-ondarearen kopia digitala eskuratu dute. Funtsen artean, atarian Artxibo Zerbitzuaren egoitzan (Irargi) Kultura Sailak gorde dituen agiri historiko guztiak daude; hori Dokuklik-eko irudi digitalaren % 30 inguru da.

Kultura Sailak 2007tik 2011ra 1.200.000 euro eman ditu proiektu honetarako. Horri esker, Euskadik artxiboen sarea bildu duen web gunea du; halakorik duen Europako herrialde bakarra da; erakundeek, familiek eta partikularrek euren artxiboak laga dituzte atari horren bidez jendeak kontsulta ditzan.

“Erdi Aroko agirien ale bikainak ikusi ditugu, Euskadiko herri askotatik etorritakoak, baina gure lurraldeko edozein lekutako zenbait gizon eta emakumeren agirien irudiak ere antolatu ditugu; agiri horietako askok eskuz idatzita daude eta edukiek garrantzi txikia zutela ematen bazuen ere, bizitza handikoak dira lehen mailako berriak dira”, azaldu zuen Riverak aurkezpenean.

'Badator' aintzindaria

Irargi arduratu da proiektuaren arkitektura teknikoaz. Irargik esperientzia zabala du arlo honetan, izan ere, 1998. urtean abian jarri zuen Badator bilatzaileak arrakasta handia izan du.  Iaz, adibidez, 100.000 erabiltzaile inguru izan zituen Badatorrek. Aipagarria da bisitariak99 herritatik sartzen direla —batez ere Espainia eta Iberoamerikatik— eta genealogia dela interes nagusia (% 60).

-Dokuklik-eko artxiboak ikusmiratzeko, jo hona.