'Viñas de Euzkadi' bodega: euskal deitura daukan Mendozako ardoa, Eztala-Echavarría familiaren eskutik

Jorge Eztala doktoreak eta bere emazte María Leonor Echavarríak 1993an erosi zuten 50 urtez Mario Tittarellirena izana zen bodega. Mendozako senar-emazteek 'Viñas de Euzkadi' bataiatu zuten bidega berria, bion arbasoen ohoretan. Gaur egun, konpainiaren ardoak Argentina osoko bazterretara iristen dira eta baita hainbat lurraldetara ere, hala nola Espainia, Danimarka, Brasil, Australia, Txina eta Estatu Batuetara.

Eztala familiak ez darama denbora askorik Argentinan, Jorge Eztala doktoreak berak BasqueHeritage.com-en galderei erantzunez adierazten duenez. Nolatan bere aitonak Euskal Herria utzi eta Mendoza aldeko mendizerra magalera etorri zen galdetutakoan, aitona, Vicente Eztala Agirre, Zumarragakoa zeukala adierazten du 'Viñas de Euzkadi'ko nagusiak eta jatorri nafarreko Josefa Aginagarekin ezkondutakoan, hogei urte zeuzkala iritsi zela Argentinara, 'gerrate karlistak atzean utziz'.

[Mahats mota ugariko ardo diferenteak ekoizten dira 'Viñas de Euzkadi'n. Saldu ere, Argentinako bazter guztietara eta, munduan, Estatu Batuak, Australia, Espainia, Brasil eta Txina bezalako herrietara

]

Bere familiak Gipuzkoan hariztiak zeuzkan arren, Mendozara heldutakoan, Vicente Eztala aitona, Argentinara etorritako beste hamaika euskaldunek bezala, esnearen negozioari heldu ziola azaltzen du, eta tanbo

bat erosi zuela, bertan langile aritzeko bizi artean 1940era arte. Geroago jabego hura itxi behar izan zuten 1949eko udal agindu bati segituz ezin baitzen Mendoza hiri erdian halako jardunbiderik garatu.

Euskal-mendozatar sinergia

Bi belaunaldiren ostean, Jorge Eztala doktoreak euskaldunak eta mendozatarrek landu eta hain emaitza onak eman dituen alorrera itzultzea erabaki zuen. 1993an, berak eta emazte Maria Leonor Echavarríak, euskal jatorriduna hura ere, Mario Tittarellik 1950etan eraikitzen hasitako jabego eta bodega erosi zuten, eta 'Viñas de Euzkadi' izenaz bataiatu zuten, Euskal Herriarekin atxikitzen duten harreman bereziaren adierazgarri. [Ezkerreko argazkietan, 'Viñas de Euzkadi' marka daramaten bi ardo mota]

Eztala doktorea 'Mendoza Heights' elkartze estrategikoko bazkide fundatzaile ere bada, horretako parte direlarik 'Familia Di Tommaso' bodegak eta 'Viñas de Euzkadi' bera. Euren ardo Cabernet Sauvignon, Malbec, Merlot, Syrah, Sangiovese eta Torrontés motakoekin Argentiona osora saltzen dute eta esportazio arloan Espainia, Danimarka, Brasil, Australia, Txina eta Estatu Batuetara ere iristen dira.

Loturei eutsiz

Eztala-Echavarría senar-emazteak euren arbasoen lurra bisitatu zuten orain pare bat urte eta gogo handiz indartu dute geroztik euren jatorriarekiko lotura, indartu ere funtzio hori betetzeko sortu ziren euskal etxeen bitartez. Kasu honetan, Mendozako 'Denak Bat' Euskal Etxearen bidez, bertako kide eta ekimenetako partaide baitira dira.

Bodegatik adierazten zaigu 'Viñas de Euzkadi' produktuetan interesik izango luketen EuskalKultura.com-eko irakurleak tratu pertsonala eskuratuko dutela eta etxerainoko bidalketak prezio berezietan lortu ahal izango dituztela. Horretarako hauxe da harremanpidea:

Ana Carolina Ortiz

Bodega Viñas de Euzkadi

Oficina 0261 4318185 / Celular 0261 155869905

Bodega 0261 4990673

Webgunea: www.mendozaheights.com.ar

E-maila: hauxe

Lotura interesgarriak

Saritutako euren ardoetako batzuk

Afrika, Hego Amerika eta Estatu Batuetako Azoketan

Eusko Legebiltzarburuaren bisita Mendozara bertako prentsan

'Vino la jefa del Parlamento Vasco'

Ardoaren sektoreko 22 gazte nekazari arabar Mendozan bisitari