euskalkultura.eus

Villa Maria, Argentina. Eguraldi kaskarrak tregoa txiki bat eman zuen igande goizean eta planifikatuta zeuden moduan meza eta dantzak ibai ertzeko Virgen de Pompeya harpearen aurrean burutu ziren. Ondoren milatik gora lagun bildu ziren Bomarraca Aretoan agur bazkarian parte hartzeko. Bazkarian bertan euskararen afixa lehiaketaren emaitzak jakinarazi ziren eta aurreko ostegunean euskal etxean aurkeztutako euskal poema liburu bana eman zitzaien instituzio guztietako ordezkariei.Igande arratsaldean ere entzun ahal izan ziren Villa Marian Gozategi-ren azken kantak. EuskalKultura.com-eko artikulu honetan, argazki bildumaren bosgarren eta azken zatia.

[Behin pasabidean kokatuta, igande goizeko ikuskizunean ohikoa den LoreArkua dantzatu zuten taldeetako neskek (argazkia EuskalKultura.com)]

[Mutilek ere izan zuten euren abilezia erakusteko aukera. Urtero bezala Ezpata Dantza eta San Migel aurkeztu zituzten (argazkia EuskalKultura.com)]

[Bakoitzak bere zatia egin ostean, neska-mutikoek bat egin zuten Arku Dantza dantzatzeko. Edade guztietako dantzariak animatu ziren igandeko dantzak egitera, heldu-helduak eta baita txiki-txikiak ere (argazkia EuskalKultura.com)]

[Eta ‘agur’ esateko, kalejira handi bat osatu zuten gazteek (argazkia EuskalKultura.com)]

[Kaleko ikuskizuna zuzeneko musikarekin burutu zen. Argentinako txistulariek jarri zieten melodia dantzei (argazkia EuskalKultura.com)]

[2014ko euskara klaseak iragartzeko afixa hautatu zen Euskal Astearen baitan. Aurtengo irabazleak Bahia Blancako Union Vasca-ko ikasleak izan ziren irudian agertzen den diseinuarekin (argazkia EuskalKultura.com)]

[Diseinuaren egileek saria jaso zuten Rio Cuartoko Pablo Cufre irakaslearen eskutik (argazkia EuskalKultura.com)]

[Lehiaketaren bigarren eta hirugarren saria ere banatu ziren. Bigarrena, Rosarioko Zazpirak Bat-entzat izan zen eta Ismael Martinez de Alegria Villa Mariako euskal etxeko lehendakariak eskuratu zien irabazleei (argazkia EuskalKultura.com)]

[Hirugarrena, berriz, Rio Cuartoko Gure Ametza-n geratu zen. Saria emateko ardura Villa Mariako Euzko Etxea-ko idazkari Dario Azumendirena izan zen (argazkia EuskalKultura.com)]

[Bazkalostean, Euzko Etxea-ko Ismael Martinez de Alegriak, FEVAko Ricardo Basterra eta Eusko Jaurlaritzako Kanpo Harremanetarako idazkari nagusia den, Marian Elorzak hitz batzuk zuzendu zizkieten bildutako lagunei. Euren hitzetan euskal astearen oso balantze ona egin zuten (argazkia EuskalKultura.com)]

[Euskal Herriko kultura eta euskal arbasoen ondarea ospatzen da euskal astean. Baina Argentinako bertako muina ahaztu gabe. Azaroaren 10ean Tradizio Eguna da Hegoamerikako herrialde honetan eta Maral taldeak gonbidaturik, euskal etxe askotako kideak igo ziren tauletara ‘zanba’ batzuk abestera (argazkia EuskalKultura.com)]

[2013ko Euskal Asteko ostegunean euskal poema antologia bat aurkeztu zen euskal etxean. Villa Mariako Paco Urondo literatura taldeak prestatutako liburuak 'Abrazando esa tierra-Lurralde hori besarkatuz' du izena eta Euskal Herriko idazle ugariren lanak biltzen ditu bertsio elebidunean. Igandeko agur bazkarian, jaiaren antolatzaileek ale bana oparitu zieten Villa Mariara bertaratu ziren euskal etxe guztietako ordezkariei. Argazkian, euskal etxeetako lagunak liburua eskuan (argazkia EuskalKultura.com)]