euskalkultura.eus

Donostia-San Sebastian. Etxepare Institutuak Euskararen Nazioarteko Egunaren (abenduak 3) harira antolatu zuen lehiaketa, mundu osoko 37 unibertsitateetan dituen Euskara eta Euskal Kultura irakasle eta ikasleei zuzenduta, sare horretan egiten den lan garrantzitsua erakusteko helburuarekin.

Parte-hartzaileek Etxepare Institutuaren Facebookeko orrira igotako 82 argazkietatik, Institutuko epaimahaiak bozka gehien jasotako bost argazkien artean aukeratu du irabazlea. Parte-hartze ona izan da, argazkiez gain, guztira 1.042 bozka igorri baitira sare sozialean.