euskalkultura.eus

Pintué, Txile. Pintué-ko eliza berreraikitzeko dirua lortzeko ikuskizunean parte hartzea izan zuen helburu Santiago hiriburutik bertara antolatutako espedizioak. Euskal kultura bertako txiletarrarekin nahastea eta guztion artean ikuskizun ederra antolatuz baliabideak lortzea otsaileko lurrikarak kaltetutako lagun eta eraikinentzat, bereziki ingurukoen bizitza sozialaren erdigune garrantzitsu den elizarentzat. Bertako apaiz zein bizilagunek parte hartu zuten ekitaldian eta diru bilketa ekitaldian gogor aritu ziren lanean.

[Festara bertaratutakoek egin zuten kalejira; euskal erritmo eta estiloa elkartasunaren adierazle]

Publikoa goiz iritsi zen eta eliza pareko aulkiak berehala bete ziren. Bertaratutakoen laguntzari esker, 2 milioi peso inguru bildu ziren, saldutako sarrera, errifako zenbakien salmenta, ekitaldiko txapa oroigarriak, janaria eta, besteak beste, Euzko Etxeak zuzenean egindako ekarpenaren ondorioz.

Euzko Etxeko zuzendaritza osorik izan zen ekitaldian Pintué-ko elizari laguntzen eta euskal dantza eta abesbatza taldeak ere bozkarioz aritu ziren lan besterenkoi honetan partaide.