euskalkultura.eus

Tandil, Argentina. Tandileko Euskal Etxetik Raul Tolosa lagunak azaltzen duenez, ekitaldia Euskararen Nazioarteko Egunean berean egin zen, abenduaren 3an, beraz, Gure Etxearen egoitzan eta 2008 ikasturteko euskara eskolen azkena markatu zuen, ENE ospatzearekin batera.

Euskal Etxeko lehendakari Isidro Legarreta buru egin zen ekitaldia eta bertan Eusko Jaurlaritzako Kultura Sailak ENeren inguruan idatzitako gutuna irakurri zen. Cecilia Cenoz eta Beatriz Poumé irakasleak laguntzaile, segidan Isidro Legarretak eman zizkien banan banan eta eskutan klaseak ongi baliatu izanaren agiriak bertan ziren ikasleei, ondoren guztiak mokadu batzuk jan eta elkarrekin topa eginez hitzordua bukatzeko.

[Eusko Jaurlaritzako Kultura Saileko Hizkuntza Politikarako Sailburuordetzatik bidalitako gutuna irakurri zuten momentua]

[isidro Legarreta Euskal Etxeko lehendakariak eman zizkien euren ziurtagiriak ikasleei]

[Ikasleetako bat bere ziurtagiria jasotzen]