euskalkultura.eus

San Frantzisko, Estatu Batuak. Heriotza larunbatean gertatu zen Stanfordeko erietxean eta, bere aita nahigabetuak e-mail batez adierazi duenez, "gure besoetan hil da, bakean. Medikuek segurtatu diote oinazetan ez egotea eta posible izan zaigu berarekin behar adina denbora pasatzea".

Gurasoek eskerrak eman nahi izan dizkiete "gure alde otoitz egin duten guztiei; gauzak antolatzen eta Sebby-ri eta familia osoari kemena eta indarra emanez idatzi digutenei. Betirako geldituko da gure bihotzetan bere irriño dizdiratiarekin, bere molde atseginekin eta musikarekiko zeukan zaletasuna lagun". Lagun eta familiartekoei zabaldutako mezua Christophe eta Cristina gurasoek eta Landon Sebby-ren anaiak sinatzen dute.

Sebastian 'Sebby' tipiaren aldeko elizkizunak asteazkenean egingo dira, otsailak 25, goizeko 10etan, Saint Gregory Elizan, San Mateon. Elizkizunaren ondotik, haurraren gorpua Menlo Park-eko Gurutze Sainduaren hilerrian ehortziko dute.

Lotura interesgarriak

Sebby salbatzeko kanpainako webgunea
www.savesebby.com

Edonon munduan hezurmuin emaile egiteko informazio webgunea
www.bmdw.org

Telefonoak Euskal Herrian hezurmuin emaile egiteko
-Araba, 945 006291
-Gipuzkoa, 943 007400
-Bizkaia, 944 007333
-Nafarroa, 948 422588
-Iparraldea (0556 908370, Bordelen)