euskalkultura.eus

Sao Pauloko Eusko Alkartasuna Euskal Etxeak mezu bat plazaratu eta helarazi digu eskertuz eta bat eginez Berri Txarrak talde nafarrak BECeko bere kontzertu erraldoian emakume guztiak oroituz eta bereziki Brasilen hil berri duten Marielle Franco giza eskubideen militante feminista aipatuz eskainitako kantuarekin. Eusko Alkartasunak, dio bere oharrean, bat egiten du Brasilgo populazio osoarekin, justizia ozen eta irmo aldarrikatuz (ikus Berri Txarraken kontzertuko momentu horretako bideoa).

Sao Paulo, Brasil. Jakina denez, Marielle Franco giza eskubideen aldeko militante feminista, emakumeen aldeko borrokatzaile engaiatua eta zinegotzia Rio de Janeiroko Udaletxean, buruan emandako lau tiroz garbitu zuten martxoaren 14an, bere autoa gidatzen zuen gidariarekin batera. 

Berri Txarrak taldeak kontzertu erraldoia eskaini zuen Barakaldoko BEC aretoan, 10.300 pertsona bilduz eta bertan jo zuen kantuetako batean munduan emakumeek bizi duten egoeta aipatu eta Marielle Francoren erailketa aipatu zuen eta salatu zuen.

Sao Paulotik, bertako Eusko Alkartasuna Euskal Etxeak bat egin eta eskertu nahi izan du Berri Txarrak-en eta BECen bildutakoen jarrera. Plazaratu eta helarazi digun oharrean, keinu hori eskertu eta gogor salatzen du erailketa, Brasilgo populazio osoarekin bat egine justizia ozen eta irmo aldarrikatzean (ikus hemen Berri Txarraken kontzertuko bideoa, momentu jakin hori bilduz)

.