euskalkultura.eus

Jaiaren inguruko ekimen horien artean dirua biltzeko bazkari-bingo bat egin zen eta, jakina, hortxe izan ziren Gure Etxea elkarteko kideak. Hala ere herrian oihartzun handiena izan zuen jarduera gizataldeetako dantzariek herriko kaleetan zehar, ezustean, egin zuten dantza kalejira edo 'fiestadela' izan zen.

[Mariano eta Ramiro Papini Jaureguiberry Sagardoy Gure Etxea-ko presidente Gabriel Papini eta Mari Carmen Lasarte presidenteordearekin bingo bazkarian (argazkia SantaFeEE)]

Azkenik, herenegun jaialdiaren aurkezpen ofiziala egin zen Santa Fe-ko Udaletxean. Mario Barletta intendenteak eta gizataldeen elkartearen izenean Raúl Fridman-ek aurkeztu zuten egitaraua. Bertan izan ziren partaide diren gizataldeetako ordezkariak, banderariak eta hedabideak. Aurkezpenaren ostean topaégitea eta hamaiketakoa egin zen gizataldeen herrialdeetako jaki tipikoekin.

[Mario Barletta intendentea Mari Carmen Lasarterekin hizketan jaialdiaren aurkezpen ekitaldian (argazkia SantaFeEE)]

-Santa Fe-ko Kolektibitateen Jaiaren webgune ofiziala, hemen.