euskalkultura.eus

San Frantzisko, Kalifornia, AEB. 1983an egin zuena izan da San Frantziskoko Elgarrekin koralak bere ibilibide osoan egin duen grabaketa eta emaitza grabatu eta komertzializatu bakarra. Hiriaren eta bere Bay Area delakoaren inguruetan behin eta berriro entzun izan den euskal kantu bilduma historikoa izan da, eta berau behin eta berriro entzunez hazi dira Kaliforniako parte honetako euskal familietako asko.

Iaz, master originalak topaturik eta grabaketa egin zeneko 25 urte betetzen zirela, San Frantziskoko Euskal Etxeak euskal tradizioko hamaika kantuko bilduma hau berriz plazaratzea erabaki zuen, oraingoan CD bertsioan, plazaratze originala kasete bertsioan bakarrik egin baitzen.

Sarean eros daiteke CD euskarrian

Orduan berrogeita lau kide zeuzkan Elgarrekin-ek 1983ko urtarrilaren 6an egin zuen grabaketa, San Frantziskoko euskal komunitatearekin lotura estua duen Notre Dame des Victoires elizan, Mattin Zubieta koraleko sortzailea eta Jeanne Mazeris zuzendari.

CDa erosi nahi baduzu, 12 dolarna saltzen da eta internet bidez eros daiteke. Bideo promozional bat ere egin da, eta hemen ikus dezakezu. Hortik bertatik ere eros dezakezu CDa online. Estatu Batuetan bazaude eta posta arruntez erosi nahi eta ordaindu nahi baduzu, txeke bat idatz dezakezu --hemengo ohiturei jarraiki eta hemengo banku batena bada-- 'Basque Club'en izenean ipiniz eta postaz igorriz honako helbidera: Basque Club, c/o Philippe Acheritogaray, 118 Yolo Street, Corte Madera, California 94925. Bestelako galderarik baduzu, idatzi Philippe-ri hona.

Lotura interesgarriak

Grabaketaren bideo promozionala ikusteko edota CDa eskatzeko
www.basqueclub.com/Elgarrekin-CD.htm