Rosarioko Euskaldun Hitza saioak ‘2012ko Libertad Saria’ jaso du, Komunitate-Interesduna sailean

2012/12/18

'Euskaldun Hitza-Gora Euskal Herria' irratsaioak 9 urte daramatza airean

PUBLIZITATEA

Rosarioko Zazpirak Bat Euskal Etxearen iritzi eta pentsamoldeen adierazle den 'Euskaldun hitza-Gora Euskal Herria' irratsaioak zilarrezko domina jaso du abendu honetan, 2012ko Libertad Sarien emanaldian. ‘Libertad Sariak’ gizarte eta gizakien aldeko lana -kultura, kazetaritza, politika eta enpresaritza arloetan- egiten dutenei ematen zaie urtero. Zazpirak Bat-eko Luis Maria Barrandeguy aurkezle nagusia duen saioa uhinetan zein interneten entzun daiteke astero eta Euskal Herriko musika, berriak, elkarrizketak eta oro har euskal kultura bere osotasunean zabaltzea du helburu.

Rosario, Argentina. Rosarioko Zazpirak Bat Euskal Etxearen 'Euskaldun hitza-Gora Euskal Herria' irratsaioak 2012ko Libertad Sarien zilarrezko domina jaso du 2012 honetan Komunitatearentzat Interesduna sailean, eta proiektuaren egileak eta euskal erakundearen kideak oso gustura batu dute, EuskalKultura.com-i adierazi diotenez. Sari emate-ekitaldia Rosarioko Club Español Real Aretoan burutu zen joan den abenduaren 8an. Aurtengo edizioan gizatalde euskaldunak sari bat jaso zuen baita ere komunitatearen aldeko bere lan solidarioagatik.

Gogora dezagun 'Euskaldun hitza' duela bederatzi urte dagoela airean eta gaur egun astero emititzen duela. Zuzenean astearteetan entzun daiteke, eguerdiko ordu batetik ordu bietara Rosarioko Libertad Irratiko 1090 Khz frekuentzian eta FM Latinan, 94.5 frekuentzian. Horretaz gain, Libertad Irratian igandeetan errepikatzen da ordutegi berean.

Teknologia berriei esker Rosariotik kanpo eta Argentinatik kanpo ere entzuten da Zazpirak Bat-eko euskal etxearen ahotsa den saioa. Izan ere, www.zazpirakbat.com edota www.palabradevasco.com.ar webguneetan dago entzungai eta eskuragarri, zuzenean edo grabazioan. Internet bidez, entzun ez ezik, ikusteko aukera ere ematen zaie ikus-entzuleei.

'Euskaldun hitza-Gora Euskal Herria'ko aurkezlea Luis Maria Barrandeguy da; berarekin batera, Cristina Arregui, Iñaki de Ustaran, Fernando Esteban Lipuzcoa eta Ricardo Casanovas ere ari dira saioko mahaiaren inguruan. Euskal Herriko kultura eta euskal etxearen ekintzak dira saioaren ardatza.

Azken komentarioak

FET
Benoît Etcheverry
Baiona
2024/07/18
Zorionak eta aurrera!
Oskar de Goitia-Durana
São Paulo, Brasil
2024/05/01
La Platan Eguzkipean
Sonia Oceja
Durango
2024/02/16
Ederra!
Patxi Etxeberria
Donostia
2023/11/20
El Porteño
Euskal Argentina
Donapaleu Baxe Nafarra
2023/11/03

euskalkultura.eus

Albisteak

Rosarioko Euskaldun Hitza saioak ‘2012ko Libertad Saria’ jaso du, Komunitate-Interesduna sailean

Erlazionatutakoak

Irakurrienak

Azken komentarioak