euskalkultura.eus

Pertsona apala, hurbila eta aktiboa ia bere azken momenturaino, joan den asteazkenean hil da Estatu Batuetan, Idahoko Boise hirian, Ramon Ysursa, oso pertsona ezaguna Idahoko euskal komunitatean eta kolektibitate horretako adin altuenetako kidea. Ramon Ysursa, orain egun batzuk arte Idahoko estatu-idazkari izan den Ben Ysursaren aita zen eta baita John Ysursarena ere, besteak beste, azken hau urtetan NABO Estatu Batuetako euskal elkarteen federazioko arduradun eta sustatzailea eta gaur egun BSU unibertsitatean historia irakasle eta Euskal Ikasketen Partzuergoko zuzendaria.

Donostia-San Sebastian. Ramon Tomas Ysursaren heriotza joan den asteazkenean, urtarrilaren 21ean gertatu da, hain zuzen ere 95 urte betetzen zituen egun berean. Urgentziazko kronika gisa (Boiseko egunkariek ez dute lerro hauek idatzitakoan argitara eman oraindik eskelarik edota obituariorik), EuskalKultura.com-eko zuzendari den Joseba Etxarrik, hildakoaren eta bere familiaren lagun hurbilekoa denak, eta egun Ramon Ysursari buruz liburuska bat idazten ari denak, lerro batzuk idatzi ditu gertakariaz EuskalKultura.com-eko bere blogean, Hemen irakur daitezke.