Chascomus, Argentina. Maiatzaren 4tik 11ra egon da irekia Chascomuseko Geltoki Zaharra Kultura Gunean 'Gernikako Bonbardaketa' erakusketa, Eusko Jaurlaritza, Gernikako Bakearen Museoa eta Argentina-Mercosurrerako Euskadiren Ordezkaritza lankide osatua. Inaugurazio egunean ‘Aurreskua’ dantzatu zuten Zingirako Euskaldunak Euskal Etxeko dantzariek eta segidan Bonbardaketaren gertakaria aurkeztu eta gaiari buruzko bi bideo proiektatu zituzten Euskal Etxeko kideek.
Astean zehar, publiko orokorrak ez ezik, eskoletako ikasleek ere bisitatu zuten argazki erakusketa, tartean, Udal Eskolako laugarren urteko ikasleek, euren irakasleak lagun. Astea bukatuta, dantza emanaldia eskaini zuen Eusko Hazia dantza taldeak, publiko ugariren aurrean.
Ekimenak lortutako emaitzekin oso kontent agertu da Euskal Etxea eta esker beroak luzatu nahi dizkie Javier Gaston alkateari, Fernanda Sallenave Gizarte Garapeneko idazkariari eta Geltoki Zaharra Kultura Guneko kideei euren babesagatik.
Erakusketako argazki gehiago, hemen.
[Erakusketaren inaugurazioan, Bonbardaketari buruz hitzak eta Aurreskua]
Lagun bati bidali
Komentarioa gehitu
