euskalkultura.eus

Coronel Pringles, Argentina. Eusko Biltzar euskal etxe pringlestarrak zuzendu digun oharrean adierazten denez, Itziar Aguirre chef euskal-argentinarraren 'Pilpileando Argentina'ren saio berria hau Immigrantearen Festarekin bat egin zen Coronel Pringlesen eta bertan emakume gazte eta aldi berean eskarmentudun euskaldun honek bere xarmaren eta bere sukaldaritzarekiko gaitasunaren zigilua utzi zuen.

Ekitaldira sartu ahal izateko sarreraren 'prezioa' janari iraungigaitza zen, horrekin Argentina iparraldeko Chaco probintzia eta eskualdeko oihanetako Tobas aborigen-taldekoei lagundu ahal izateko. Ekimen hau Patricia Sosa kantariak bultzatzen duen 'Keinu txikiak, lorpen handiak' fundazioaren bitartez bideratzen da.

Pringlesko saioan Itziar Aguirrek 'Onddo omeleta pintxoa' prestatu zuen, baita ere 'Piper erreak abadiraz beteak eta saltsa beltzez' eta, mahaiburuko gisa, 'Goxua intxaurrekin eta mahaspasekin'.

Klasea amaituta, bertaratutakoak, saioan prestatutako hiru plateren zozketan hartu zuten parte, guztia aipatu xede solidariora bideratua.

Euskal etxe antolatzailetik deialdiak lortutako arrakasta azpimarratu nahi izan digute. Eusko Biltzarreko Zuzendaritza Batzordea "gustura baino gusturago" geratu zen eta aukerta hau baliatu nahi du "eskertzeko Pringlesko komunitateari, bere ekarpenagatik eta ekikagai kopuru eskuzabala emateagatik; eta baita ere Itziar Aguirre andereñoari, bere apaltasuna, jendetasuna eta tasegintasunagatik; eskerrik asko, Itziar".