euskalkultura.eus

Posadas, Argentina. Posadasko 356 zenbakidun Eskolaren instalazioak gertaleku izan dira joan den asteko asteazken eta ostegunean --azaroak 25 eta 26-- bertako Euskal Jatorri Euskal Etxeak babestu duen mutikoentzako futbol txapelketa bat egiteko, aipatu eskolako eta 783 zenbakidun eta 835 zenbakidun eskoletako ikasleen artean, 674 zenbakidun eskolakoek azken azterketak zirela-eta ez baitzuten jokatu.

Euskal Jatorri Euskal Etxeak bere helburuen artean kirol mota guztiak sustatzea ere helburu duenez, txapelketako bideratzaile izan da eta pelotak eta garaikurrak ere euskal elkartearen kontura izan ziren.

[Saritutako ekipoak euren garaikurrekin (ikus beherago sailkapena)]

[Saritutako ekipoak euren garaikurrekin (ikus beherago sailkapena)]

[Saritutako ekipoak euren garaikurrekin (ikus beherago sailkapena)]

[Saritutako ekipoak euren garaikurrekin (ikus sailkapena)]

Sailkapena honela gelditu zen:

Goizeko txanda:

-Lehenengo: 783 zenbakidun Eskola
-Bigarren: 356 zenbakidun Eskola - 6. B
-Hirugarren: 835 zenbakidun eskola - 6. A
-Laugarren: 356 zenbakidun Eskola - 6. A

Arratsaldeko txanda:

-Lehenengo: 356 zenbakidun Eskola - 7. C eta D
-Bigarren: 835 zenbakidun Eskola
-Hirugarren: 356 zenbakidun Eskola - 6. C eta D
-Laugarren: 783 zenbakidun Eskola
-Golsartzailea: Guillermo Ariel Lezcano

Galdugabea: Emilio Gabriel Garay

Sarien emate ekitaldia Euskal Jatorri Euskal Etxeko ordezkarien eskutik egin zen. Datorren urtean ere ekimena sustatzeko asmoa azaldu zuten.