euskalkultura.eus

Irun, Gipuzkoa. Euskal Herriko, Diasporako edo beste edonongo euskal egileen poemek osatzen dute urtero "Hatsaren Poesia" liburua. 2025ekoak, liburu-bildumaren 27. zenbakia egingo du. Antolatzaileen aldetik, Ainara Maia Urrotzek gogora arazi dio EuskalKultura.eus-i oraingoan ere euskal egile saldoa espero dutela partaide, eta Diasporako lanak ere ongi-etorriak direla. Sar-hitza Joxe Luix Agirretxek hartuko du bere gain eta azaleko irudia seguruenik Andrea Bella uruguaitar euskaldunak egingo du Montevideotik.

Poemak euskaraz idazten dituen pertsona bazara, kontsideratu parte hartzea eta olerki bat, bi edo gehienez hiru bidaltzea, Euskal Herri osoko beste hamaika lagunenekin batera, argitara emanak izan daitezen 2025ko edizioan. Hauek dira argitaratzeko baldintzak:

— Olerki bat, bi edo gehienez hiru bidal ditzakezu
— Horrekin batera biografia labur bat, laupabost lerro gehienez
— Egilearen aurpegi-argazki bat bidaltzea

Azken epea olerkiak eskuratzeko 2025eko urtarrilaren 23a izanen da. Hona bidal daitezke:

— Posta elektronikoz hatsarenpoesia@gmail.com helbidera
— Posta arruntez: "Porcelanas Bidasoa 6, 4. B, 20303 Irun, Gipuzkoa, Euskal Herria" helbidera

Olerki guztiak baldintzarik gabe eta zentsurarik gabe plazaratuko dira, 2025eko udaberrian, ontsalaz apirilaren hasieran.

Diasporako sortzaileek ere parte hartu ohi dute, beraz ez atzendu eta animatu zure sorlanak igortzera.

Zabaldu mesedez mezu hau inguruan izan ditzakezun idazle eta olerkigile euskaldunei.

"Denontzat tokia izango da liburuan!", diote Hatsaren Poesia elkarteko lagunek.