euskalkultura.eus

Boise, Idaho, AEB. Iaz data hauetan Boisen "Euskal Herria 4 ½ Txapelketa"ren lehenengo edizioa antolatu zutela-eta esandakoa hona ekarriz, pilotazaletasuna egitate bat izan da hasiera-hasieratik Diasporan oro har, baina kasu honetan Estatu Batuetako euskal komunitateetan. Dozenaka asko pilotaleku sortu izan dituzte euskal emigranteek herrialde osoan, baina bereziki Mendebalde guztian, Kalifornia eta Arizonatik, Wyoming eta Utah-raino, hori jai-alaia aipatu gabe.

Boiseko San Inazio Euskal Festen 3 eguneko egitarauak egunero eskainiko ditu pilota partidak

Mendebaldean, Estatu Batuetara etorritako belaunaldi emigranteak ekarri zuen pilota XIX. mendean, eta geroztik, gorabeherekin, Euskal Herritik etorritakoek eta hemen jaiotako batzuk mantendu izan dute. NABO Ipar Ameriketako Euskal Elkarteen Federazioak bultzatu egiten du, eta 1980tik hona martxan da AEBko Euskal Pilota Federazioa. Boisen, aurten ere, 'Pilota Camp' edo Pilota Tailerrak antolatu dira haur eta gazteentzat, eta San Frantziskon ere hala egiten dute.

Gaur hasiko diren Boiseko San Inazio jaietan, programako parte garrantzitsua da pilota. Euskal Herritik puntako pilotari gazteak etorriko dira, lauak emakumeak: Olatz Arrizabalaga (iaz ere hemen zena), Enara Gaminde, Naroa Agirre (Pilota Camp-etan irakasle aritu dena) eta Maddalen Etxegarai. Euren partaidetzarekin, behar da nabarmendu bertako pilotariek, gizon eta emakume, urtean zehar pilotaren suari eusten egiten duten lana, asteburu honetako programan ere norgehiagoka politak ekarriko dituena.

Estatu Batuetako pilotarien artean, emakumeetan arituko dira Anne-Marie De Couto Mansisisor, Bryanne Gribble, Maite Kvarna Aramburu eta Geneva Ayarra. Eta gizonetan, Mateo Franzoia, Michael Lejardi, John Cortabitarte, Pedro Cortabitarte, Ben Monasterio, Patrick Bidegaray, Lukas Miller, Andrew Miller, Jake Jaureguy, Johnny Boyd, Ryan Boyd, Ander Zubizarreta, Oier Pastor eta Todor Azurtza Sorrondegi.

2024ko SAN INAZIO PILOTA PROGRAMA

(*) "Euskal Herria 4 ½ Txapelketa"ko saioak

Uztailaren 26an, ostirala

- 5:00pm: Men’s B League Pala
- 6:00pm: Men’s A League Pala
- 7:00pm: Women’s Handball Semi Final Game 1: Agirre vs Etxegarai (*)
- 7:30pm: Women’s Handball Semi Final Game 2: Arrizabalaga vs Gaminde (*)

Uztailaren 27an, larunbata

- 10:00am Pala A League Pala Game Tournament (men)
- 12:30pm Bertsolariak (Nerea Ezeiza, Oier Pastor, Martin Goikoetxea, Todor Azurtza)
- 2:00pm Boise vs San Francisco Mixed Pala Game
- 3:00pm Women’s Pala Game (*)
- 4:00pm 4 ½ Women’s Handball Tournament Final (*)
- 4:30pm Women’s Handball Award Ceremony (*)

Uztailaren 28an, igandea

-7:00pm Elite Women’s Handball Exhibition Doubles
(Arrizabalaga-Agirre vs Etxegarai-Gaminde)
-7:30pm Bertsolari Performance (Nerea Ezeiza, Oier Pastor, Martin Goikoetxea, Todor Azurtza)

Pilota partida guztiak Basque Block-eko Anduiza Frontoian jokatuko dira.

Aupa pilotariak!