euskalkultura.eus

Donostia-San Sebastian. Oscar Alvarez Gila eta Eneko Sanz Goikoetxea historialariek (biak Euskal Herriko Unibertsitatekoak, baina Oscar Alvarez Nevada-Renoko Unibertsitatean da urtebetez, William A. Douglass bekarekin) hiru artikulu dituen bildumatxo bat eman dute argitara Euskonews astekari digitalean, Eusko Jaurlaritzak 1937 eta 1965 bitartean Kanpoan izan zituen ordezkari eta ordezkaritzei buruzko gainbegirada bat emanez.

Artikuluok "El exilio institucional: El Gobierno autonómico vasco y sus delegaciones en el exterior (1937-1965)" dute izena (Erbesteratze instituzionala: Euskal Gobernu autonomikoa eta Kanpoko bere ordezkaritzak) eta euskaraz bilatzen saiatu arren gaztelaniaz topatu dugu soilik.

Hiru artikuluok hemen irakur daitezke:

-Lehenengo zatia
-Bigarren zatia
-Hirugarren zatia

-Euskonews: Eusko Ikaskuntzak astero sareratzen duen aldizkari honek euskaraz, gaztelaniaz, frantsesez eta ingelesez ematen ditu argitara artikuluak, beti ere euskal gaiez edota euskal ikertzaileek eginikoak, zentzu zabalean, Zazpiak Bat-eko eremua zein Diaspora bilduz: harpidetu zaitez kitorik