euskalkultura.eus

Donostia-San Sebastián. Bertan dugu Gabon Gaua eta aurki hasiko da Olentzero opariak banatzen euskal umeen etxeetan. Une horren zain urduri eta ilusioz gainezka dauden neska-mutilentzako eta euren gurasoentzeko interneten Olentzerori buruz diren webgune, aplikazio eta jolasen zerrendatxo hau bildu dugu.

Urtean behin bakarrik jaisten da Olentzero mendi tontorreko etxetik, baina halarik ere, zeharo modernizatuta dator aurten! Sarean eskuragarri diren baliabide hauei esker Diasporako txikiek ere ezagutu eta gozatu ahalko dute Olentzeroren magia. Hona zerrenda:

-Olentzero Jolastuz: Olentzerori buruzko webgune honetan jokoak, karaokea, ebakigarriak, marrazkiak, posterrak, gutuna idazteko txokoa eta ikazkinari buruzko liburu pertsonalizatu bar sortzeko aukera aurkituko dituzue.

-Olentzerori Gutuna: mugikorrentzako aplikazioa, Asoma enpresa bizkaitarrak sortua. Erraza da erabilera: jaitsi Google Play dendatik eta telefonoan instalatu. Olentzerok umeak txintxoak izan ote diren galdetuko du. Erantzuna baiezkoa bada, bost opari eskatu ahalko dituzte eta gutuna sortuko du sistemak.

-Muxugorri.com: Umeentzako arropa denda honen blogean, Olentzerori gutuna idazteko eredu hau eskaintzen dute, doan: inprimatu, idatzi eta bidali!

-Kolore kolore: Olentzero eta Mari Domingi eta beste zenbait pertsonaien mozorroak egiteko inprimatu nahi duzun irudia eta etxeko txikiek koloreztatu dezatela!

-Olentzero jokoak: Eitb.com-ek ikazkinari eskaini dion webgunean jokoak, ipuinak eta gutuna idazteko atal berezia.

-Olentzero.net: pertsonaiaren zaleek sortu duten webgune honetan, jokoak, informazioa eta argazkiak.

-www.izenaduba.com: Olentzeroren Etxea, Mungian (Bizkaia).

-Gabon kantak: euskarazko gabon kanta zerrenda luze bat, abestien letra eta musikarekin. 

-Gabon Kantak aplikazioa: mugikorrentzako Gabon kanten letrak biltzen dituen aplikazioa, telefonoan beti eskura edukitzeko.

(Besterik ezagutzen baduzu esaiguzu eta zerrendara gehituko dugu! Eskerrik asko!)