Sydney, Australia / Mexiko Hiria, Mexiko. Gaurkoan, azkeneko sarrera Olentzerok munduko euskal etxe eta komunitateetara 2020ko Eguberrietan egindako bisiten bideoekin. Australiako Sydneyz mintzatu ginen aurreko batean, baina oraingoan bideoarekin gatoz. Eta Mexiko Hiriaren kasuan, bertako Olentzerok egindako bideoa da ekarri duguna, baina adieraziz aurten pandemiak urteroko bilera galerazi duela eta beraz, biltzea ezinezkoa izan bada ere, gogoak eta asmoak tinko segitzen duela, datorren urtean gauzak bestela izango direlakoan.
Hona Sydneyko Gure Txoko Euskal Etxeak eta bertako haurrek Olentzerori egindako harrera:
Mexiko Hirian, berriz, Olentzero bere lagun Juanjo Arrieta Oronozko baztandarraren etxetik mintzo zaigu, euskaraz eta gaztelaniaz, musukoa erabiltzea gomendatuz eta aurtengo ezintasunen aurrean, datorren urtekoa handiagoa izango dela iragarriz.
Esan, azkenik, urtarrilean normalean Bordaleko Euskal Etxeak harrera ederra antolatzan diola bere egoitzan Olentzerori, baina aurtengoan, koronabirusaren egoera larria dela-eta, ekitaldi jendetsurik antolatu gabe segitzen dutela hiriburu akitaniarreko euskal elkarrtekoek.
Lagun bati bidali
Komentarioa gehitu
