euskalkultura.eus

New York, Estatu Batuak. Geuk lanean sartu zenetik ezagutzen genuen Noemi Gonzalo-Bilbao, emailez ez bazen ere. Gero, joan den otsailean, pertsonalki ere ezagutu genuen, euskaldunez eta Estatu Batuetako euskal emigrazioaz Ellis Islanden zabaldu zen erakusketa dela-eta hurbildu baitzen EuskalKultura.com Euskadiren Estatu Batuetarako, Kanadarako eta Mexikorako Ordezkaritzara, New Yorken daukan bulegora. Bertan, ordezkari bat noiz izendatuko duten zain --baina egunero lanean-- oso talde gazte bat ari da, oraingoan bulego fisikoa eta guzti, otsail hasieran bukatzen ari baitziren bulegoa egokito plantatzeko azken ikutuak (inoiz ikutuak azkenak badira, behintzat).

Gaurkoan, ordea, ez dugu guk aipatuko Noemiren berri. Joan den igandean Bilboko El Correo egunkariak berari buruz ekarri duen soslaiaren berria dakarkigu. Gazte gasteiztarrak bere orain arteko ibilbidea Euskal Herrian, Alemanian, Miamin, Dominikar Errepublikan... dakar gogora, gaztelaniaz argitara emandako elkarrizketan. Geure gaztelaniazko bertsioan, hemen irakur dezakezu. Jatorrizkoan, lehen aipatu egunkarian, hemen.