euskalkultura.eus

Iruñea/Pamplona. 18 herrialdetan bizi diren ia ehun nafarrek hartu zuten parte atzo asteazkena Iruñean Nafarroako Gobernua antolatzaile egindako Next Topaketaren VI. edizioan (ikus hemen programa). Ana Ollo lehendakariordeak, Gobernuak migratzaileen kolektiboarekin duen konpromisoa azpimarratu zuen, baieztatuz berehala garatuko dutela aurtengo otsailean onartutako Atzerrian dauden Herritarren Legea garatzen duen araudia, izan ere Kanpoan dauden Nafarroako Komunitateen Kontseilua eta Erregistroa eratuz Foru Dekretu baten bidez, bai eta beste zenbait neurri ere, Nafarroara itzultzea edo Foru Komunitatean bizi direnekiko aukera-berdintasuna administratiboki erraztuz. Topaketan, hainbat esperientzia pertsonal partekatzeaz gain, Nafarroan dauden formula eta neurri desberdinak aztertu ziren, mugikortasun handiko une batean talentua itzultzea eta atxikitzea erraztearren.

Erresuma Batua, Txina, Suitza, Argentina, Mexiko, AEB, Australia, Frantzia, Belgika, Suedia, Singapur, Austria, Kanada, Irlanda, Finlandia, Galizia, Katalunia, Madril eta Nafarroa bereko partaideak bildu zituen

Ekitaldiak partaidetza esanguratsua bildu zuen, hazkuntza nabarmenarekin,  are gehiago pandemiaren urte konplexuak pasa ostean. Izan ere, kanpoan bizi diren 96 nafar (75 presentzialki eta beste 21 online) izan ziren partaide Next Topaketaren seigarren edizio honetan, Eguberriko eta oporretako data bereziak kontuan hartuta, kanpoan dauden nafarren egun batzuetako etxera-etortzeak gogoan hartuta abenduan antolatua. Topaketa Nafarroako Gobernuko Memoriaren eta Bizikidetzaren, Kanpo Ekintzaren eta Euskararen Departamentuaren eskutik antolatu zen, Caja Navarra Fundazioa lankide, pertsona horien eta Nafarroako gizarteko eragileen arteko harreman-elkargune gisa, Gobernuak prentsa ohar batean adierazi duenez.

Printzipioak, gaitasun profesionalak eta balio demokratikoak

'Nafarroatik kanpo bizi bazara, hau interesatzen zaizu!' lelopean programa Nafarroako Kutxa Fundazioko zuzendari nagusi José Ángel Andrés Gutiérrez-en hitzekin hasi eta Ana Ollo Nafarroako Gobernuko bigarren lehendakariorde eta Memoria eta Bizikidetzako, Kanpo Ekintzako eta Euskarako kontseilariak itxi zuen. Ollok Gobernuaren erabateko konpromisoa azpimarratu zuen "munduari irekita dagoen eta mugarik gabeko gizarte global batekin konprometituta dagoen Nafarroarekin, zuetako asko horren eredu baitzarete. Eta are gehiago, uste dut konpromiso hori ez dela erakunde- edo arau-esparrutik harago doana soilik, baizik eta balio eta printzipio batzuekiko konpromisoa ere badela, eta balio eta printzipio horietarako ere ez dagoela mugarik – eta ez litzatekeela egon behar", adierazi zuen.

Ollo lehendakariordea (eskuin) eta Sergio Pérez Kanpo Ekintza zuzendaria (ezker) itzulerarekin konprometitutako enpresentzako Next RetorNA zigilua ematen INITIAko Anaret Fernándezi (erdian)

Alerie Guzmán eta Unai Villanueva euren kanpoko eskarmentua kontatzen solasean Nafar Gobernuko Pello Pellejerorekin

"Are gehiago", gaineratu zuen Ollok, "gaur egungo nazioarteko errealitateak Europar Batasunaren balio nagusiak berresten dizkigu —giza eskubideak, askatasuna, demokrazia, berdintasuna eta zuzenbide-estatua— eta, aldi berean, aniztasuna, diskriminaziorik eza, tolerantzia, justizia, elkartasuna eta emakumeen eta gizonen arteko berdintasuna ezaugarri izan behar dituen gizarte-eredu bat defendatzea eskatzen digu. Nire ustez, konpetentzia profesionalez eta esperientzia pertsonalez gain, garrantzitsua da horrelako oinarrizko printzipioak partekatzea eta defendatzea", azpimarratu zuen, Gobernuak kanpoan bizi den nafar komunitatearekiko harremanak indartzeko konpromisoa hartu duela nabarmenduz.

Lege berriaren xedea, kanpoko nafarrekiko harremana indartzea

Kanpo Ekintzako zuzendari nagusi Sergio Pérezek, bere aldetik, Next estrategiaren inguruko berrikuntza nagusiak azaldu zituen. Aurten, Kanpoko Nafar Herritarrekiko Harremanei buruzko otsailaren 22ko 3/2023 Foru Legearen onarpenean zentratu dira berrikuntza horiek. Foru Lege horren xedea da Nafarroako herritarrekiko kanpo harreman instituzionalak indartzea eta, horretarako, laguntza eta babesa, bai eta borondatezko itzulera ere erraztuko dituzten oinarrizko jarduera-ildoak zehazten dituen euskarri juridikoa ezartzea. Kalkuluen arabera, Nafarroako 30.000 pertsona inguru daude kanpoan, migrazio-une eta -mugimendu desberdinen ondorioz, baita hogei bat komunitate nafar ere.

Sergio Pérezek Nafarroako Kanpoko Erkidegoen Kontseilua eta komunitate birtualen figura berria arautuko dituen Foru Dekretu proiektuaren inguruko partaidetza-prozesuaren hasiera aurreratu zuen, legean bertan aurreikusitako arau-garapenari erantzunez. Urtarrilaren 21era arte zabalik dago epea ekarpenak egin ahal izateko Parte Hartze Atariaren bidez. Arau horiek "Nafarroa munduan" gaiarekin zerikusia duen Kanpo Ekintzako Planaren ardatzetako baten barruan kokatzen dira, zehazki, Next estrategiaren barruan (talentuaren itzulera, atxikipena eta lankidetza), eta departamentuen arteko lan garrantzitsua du.

Itzulera eskarmentu praktikoak

Diego Ruiz del Árbol Volvemos.org-eko zuzendari exekutiboak ere hartu zuen hitza, eta itzulera ikuspegi oso praktikotik jorratu zituen, esperientzia pertsonalen blokeari bide emanez. Aurtengo elkarrizketan Alerie Guzmán eta Unai Villanueva izan ziren protagonistak. Alerie Guzmán Altsasukoa da, eta ikertzaile gisa Italia, Cambridge, Belfast eta Alacanten egindako bere ibilbidea kontatu zuen. Eta Unai Villanuevak berea Londresen, DJ gisa.