euskalkultura.eus

New Yorkeko Eusko Etxeak --Estatu Batuetako euskal etxerik zaharrenak-- egun urte ete zituenean, duela ia hiru urte, Etxeorratzen Hirian ezagutu genuen Iker Goñi. Euskal Herritik bertara arlo profesionalean trebatzera joana, euskal elkartean 100 urteak bete behar zituela-eta antolatzen ari zen mugimendu guztiak erdi-erdian harrapatu zen eta jo ta fuego ibili zen Eusko Etxeko parte --idazkari izendatu zuten-- honelako urteurren eta ospakizun batek eskatzen duen ahaleginean bertako euskaldunei eskua sendo luzatzen.

Bilbo, Bizkaia. Geroztik euskalerriratu eta aurten berriz ere egin du atzerako bidea New Yorkera Ikerrek. Eta hortxe egin diote Bilboko El Correo egunkarikoek elkarrizketa gaztelaniaz. New Yorkeko ospakizunetan parte hartu zutenek eta New Yorkeko Eusko Etxearen inguruko lagunek gustura irakurriko dutelakoan ekarri dugu hona elkarrizketarako lotura. Azken egun hauetan ere Washingtongo Smithsonian Folklife Festivalen ikusi dugu bilbotarra, Estatu Batuetan euskaldunek momentu berezi dauzkaten hauetan lekuko eta partaide beste behin.

-Elkarrizketa, hemen