euskalkultura.eus

Montreal, Quebec. Quebec-eko Euskal Etxeko Adelaide Daraspe lagunak elkartearen azken jardueren berri eman digu, joan den ostiraleko dokumental emankizunaren arrakasta azpimarratuz. Marina Tellechea, Antton Lannes eta Haitz Aldana dira filmearen egileak eta Ameriketako euskal diasporaren egoera aztertzen dute bertan, Quebec-en hasi eta Buenos Airesen bukatzen den bidaiaren bitartez. Quebec-eko euskal etxeko hainbat kide ere elkarrizketatu zituzten grabazioan, eta iragan ostiralean elkarteko lagunak han ziren emaitza ikusteko irrikitan.

'Filma eta gero elgarrizketatxo bat antolatu dugu eta Quebec eko euskaldunek galdera batzu zituzten Haitz, Antton eta Marinarentzat. Horregatik e-mailez bidaltzeko proposatu diet eta nik gero sintesia egin eta kide guztien komentarioak eta galderak bidaliko dizkiet", azaltzen du Adelaidek. "Horrez gain, filma horrek arrakasta handia izan duenez kide eta etorri quebekar artean... bigarren proiekzio bat egiteko erabakia hartu dugu, heldu den ostiralean". Emanaldia martxoaren 18an, 19:00tan, izango da Euskal Etxean (429 rue Viger est, 2e étage). 

Aberri Eguna eta 15. urteurrena

Horrez gain, euskal elkartea Aberri Eguneko ospakizunak ari da prestatzen jada, izan ere, goiz ospatuko dute quebectarrek: martxoareko 20ean. Hitzordua Saint-Jean de Mathako herri aretoan egingo dute (2700 rue Allard, Montreal), eguerdian. Egitaraua honakoa izango da: bazkaria 13:00tan eta ondoren dantza, kantu, sokatira, mus eta bestelako denborapasa eta ezustekoak. 

Elkartearen berri gehiago Euskaldunak-en webgunean, hemen.