euskalkultura.eus

Mar del Plata, Argentina. 1943ko uztailaren 17an, Mar del Platan, Euskal Herriko euskaldun taldetxo bat eta euskal jatorriko argentinar batzuk bildu eta Denak Bat izeneko elkartea sortu zuten. Egun gutxi barru, 80 urte beteko dira sorrera ekintza hartatik eta urtemuga ospatzeko Euskal Etxeak kirol, gizarte eta kultur jarduera aste bizi bat antolatu du, ostiral honetan bertan hasiko dena. Euskaditik Gorka Alvarez Aranburu Kanpoan den Euskal Komunitatearentzako zuzendaria batuko da ekitaldiotara.

Gernikako Arbolaren kimuak eta FEVAren bilera

Uztailaren 7an, ostirala, Gernikako Arbolaren kimu bat landatuko dute 'San Sebastián' Bigarren Hezkuntzako 37. Eskolan, izan ere ospakizun aste honetan landatuko duten hiruetako lehena. Bigarren alea uztailaren 15ean, larunbata, lurreratuko dute Primavesi parkean. Bertaratuko direla adierazi dute FEVAko agintariek, Euskadiren Argentina-Mercosurreko ordezkari Sara Pagolak eta Kanpoan den Euskal Komunitatearentzako zuzendari Gorka Alvarez Aranburuk. Gernikako haritzaren hirugarren ondorengoa uztailaren 17an, astelehena, hartuko du lurra Dardo Rocha plazan, ipar sektorean, Maiatzaren 25eko kalean.

Urteurreneko ospakizunaren baitan, Denak Bat Euskal Etxea FEVAren bilera bateko anfitrioi izango da. elkarteko Arantxa Anitua lehendakaria buru, Euskal Etxeko Jose de Ariztimuño liburutegian izango da, datorren asteko larunbatean, uztailaren 15ean, arratsaldeko 5:30etan. Argentinako euskal erakundeetako ordezkariek egingo dute bat, , baita Sara Pagolak eta Gorka Alvarezek ere.

80 urteotako balantze ederra

Gustavo Elichiribehety da Denak Bat-eko egungo lehendakaria. EuskalKultura.eus-i esandako hitzetan aitortzen du harro aitortzen dio zein harro dagoen bertako lehendakari izateaz euskal etxea honela ikusirik. “Denak Bateko lehendakaria izatea, Euskal Etxeko  80. urteurrenean, ohorea da, eta konpromiso handia lehenago egon ziren eta orainaldi hau posible egin zutenekin". "Gaur egun biziberritutako erakunde bat ikusten dugu, gazteak dituena eta kirolak, euskal dantza, euskara, musa  eta antzerkia eskaintzen dituena. Pandemiaren ondoren bizitza asko injektatu ahal izan genion, eta oso pozik gaude horrekin», adierazi du Denak Bateko lehendakariak.

Kirol arloan, zenbait txapelketa antolatu ditugu '80. Urteurrena' izenburupean, polita paletan, soinketan, Squash-en... baita musean ere, euskal dantza topaketa bat, danborrada, urteurreneko oturuntza...

Aisialdi eta kirol jarduerek presentzia garrantzitsua izango dute urteurrenaren agendan. Uztailaren 7 eta 14an, ostiralak, Euskal Etxeko jatetxe aretoan "80. Urteurrena" Mus Txapelketa jokatuko da. Euskal Etxearen Teyú Cuaré trinketean, 1928an inauguratua berau, uztailaren 12an, asteazkenez, "80. Urteurrena" pilota triangeluarra garatuko da. Uztailaren 13an, berriz, osteguna, Denak Bat Euskal Etxeko gimnastak "80. Urteurrena" txapelketan lehiatuko dira hiriko gimnasia eskoletako ordezkariekin. Squash-a Denak Bat-en duela gutxi sartutako kirola da, baina "Torneo Satélite PSA-Copa Aniversario del Centro Vasco" txapelketa jokatuko da, uztailaren 13tik 16ra, inauguratu berriak diren "Vasco Squash & Fit" instalazioetan, 16 jokalari partaide.

Euskal etxeetako gonbidatuak

Larunbatean, uztailaren 15ean, arratsaldeko 20:30etan, Dantzari Ohiaren Jaia inauguratuko da, danborrada batekin, Aitor Hormaechearen gidaritzapean. Beste euskal etxe batzuetako danbor-jotzaileak ere ere espero dira partaide, giroa berotuz Andoni Iriberri eta Nerea Balzola zuzendari duten Etxeko Beti Alai dantza taldearen erakustaldia ere ekitaldiko lagun. Herrialde osoko dantzari ohiak izango dira bertan eta zabalduko den taskak pintxoak, piperrada, babarrunak eta txistorrak bezalako kutxikiak eskainiko ditu.

Azkenik, uztailaren 16an, igandea, elkartearen egoitzan, Moreno 3440 helbidean, bertako areto nagusian, "80. Urteurrena" izeneko bazkaria egingo da. Pintxoak zerbitzatuko dira, Manuel Crespo paellagile maisuaren paella, postrea eta urteurreneko tarta, eta festari amaiera emateko, bertaratutako bazkide eta lagunek topa egingo dute.

Ez zazula galdu; oraindik garaiz zabiltza txartela erosteko! Uztailaren 13ra arte egongo dira eskuragarri, Denak Bat Euskal Etxearen idazkaritzan, 10etatik 12etara eta 16etatik 20etara.

Zorionak Mar del Platako Denak Bat!