Bilbo, Bizkaia. Mahai-ingurua eskainiko du online ostegunean Bilbotik Sabino Arana Fundazioak Caracasko Eusko Etxea egun dagoen El Paraiso auzoan zabaltzearen 75. urteurrenaren karietara. Ekitaldia Fundazioaren Bilboko egoitzan egingo da 19:00etatik aurrera (14:00ak Caracasen), baina Diasporako lagunek edo hala nahi duten guztiek online ere segitu ahal izango dute Youtuben, streaming bidez. Horretarako, aski izango dute esteka hau erabiltzea.
Saioa Sabino Arana Fundazioko lehendakari Mireia Zarateren ongi-etorri hitzekin hasiko da. Mahai-inguruak honako partaideak izango ditu:
- Ibane Azpiritxaga, Caracasko Eusko Etxeko egungo lehendakaria
- Pedro Javier Arriaga, Jazoera-ko arduraduna, Eusko Etxeko lehendakari ohia
- Jon Mikel Olabarrieta, Eusko Etxeko lehendakari ohia, Venezuelako Radio Euzkadi-ko kolaboratzailea
- Nerea Olabarrieta, euskal-venezuelatarra, Jon Mikelen alaba
- Gonzalo Attias, Jon Mikel-en biloba, belaunaldi bat gehiago
- Moderatzaile, Estepan Aldamiz-Etxebarria, ETBko kazetari ohia, Venezuelan jaioa
(lehenengo biak Caracastik, beste hiruak eta moderatzailea Bilbotik)
Lagun bati bidali
Komentarioa gehitu
