euskalkultura.eus

Rauch, Argentina. Rauch-eko udal etxeko erakustaldietarako aretoa izan da joan den ekainaren 19an “Gure Arropa” erakusketaren agertokia. 'Gure Txokoa'k gonbidaturik, Magdalena Mignaburuk bere bildumaren 6 diseinu ekarri zituen Rauch-era, eta jantziek berek bideratu zuten Euskal Herriko kulturari buruzko adituaren azalpena. 

[Erakusketaren arduraduna den Magdalena Mignaburuk hitzaldi bat eman zuen Rauch-en]

Jende mordo polita bildu zen udaletxean, eta soinekoak ukitzeaz gain, galdera eta iruzkinak konpartitu zituzten mintzalariarekin. Hitzaldian Euskal Herriko irudiak ere proiektatu ziren, eguneroko bizimoduko irudiak, jendeak euskaldunen bizimodua ezagut zezan.

“Herriak eman dugun babesa nahi dugu aipatu. Hedabide guztiak bertaratu dira erakusketara eta publikoa jendetsu eta oso heterogeneoa izan da”, azaldu diote euskal etxeko arduradunek EuskalKultura.com-i. “Bistan dago gure herriak kulturarekiko duen engaiamendua”, adierazi dute 'Gure Txokoa'ko kideek.