Madril, Espainia. Madrilgo Euskal Etxeak urtero antolatu ohi duen euskarazko bideo lehiaketarako deia egin du, lanak aurkezteko epea apirilaren 10ean ezarrita. Bertako bazkideek baino ezin dute parte hartu gehienez 5 minutuko iraupena izan dezakeen lanak onartzen dituen lehiaketa honetan, mov, avi edo mp4 formatoetan. Lanak apirilaren 10ean Euskal Etxean entregatu eta bideoak ikusteko eta sariak adierazteko eguna biharamuna, osteguna, izango da, Euskal Etxeko Pello Aranburu aretoan, 19:30etatik aurrera.
Izan ere, apirilaren 11ean Madrilgo Euskal Etxera hurbiltzen direnek aukera izango dute gehien gustatzen zaien bideoa bozkatzeko. Bideoak pantailaratuko dira eta bildutakoen emandako botoen arabera irabazle suertatzen denak irabaziko du lehiaketa. Madrilen bizi bazara, animatu eta parte hartu, bidegile edo ikusle/epaile moduan!
Lagun bati bidali
Komentarioa gehitu
