Londres, Ingalaterra. London Basque Society-k —hala du izena Londresko Euskal Etxeak— abisua pasatu die joan den asteburuan bazkide eta lagunei, eta oro har Ingalaterrako hiriburuan bizi diren edo dabiltzan interesatuei, laguntza eta engaiamendu eske. "London Basque Society-k zure laguntza behar du!" izenburupean, elkarteak esker biziak ematen dizkie bere arima eta arnasa diren bolondresei. Eta aurretik ere beste momentu batzuetan, lankidetza eta partaidetzan urrats berri bat ematea eskatzen die hori egiteko moduan daudenei.
Bolondresek egiten dutela euskal etxea baitetsi ondoren, aipatzen du azken aldian egoera pertsonalak, Brexita, pandemia eta bestelako arrazoiak medio beheratzea egon dela partaidetzan, elkartearen etorkizuna arriskuan jarriz. "Ekitaldiak organizatzeko zailtasunen aurren aurkitu gara maiz azken aldian eta hori dela eta LBSren iraunkortasuna bermatuko duen bolondres eta zuzendaritza berrien bila gatoz, ideia berriak eta gogo indarberritua ekarriko dituen lan talde bat sortu asmoz".
Euskal kultura maite baduzu, jende berria ezagutu nahi baduzu, elkarrekin lan egin eta London Basque Society-ren parte izan, aukera ederra daukazu, Londresko Euskal Etxeak zeure beharra baitauka. Argibide gehiago nahio badituzu, aski duzu formulario hau betetzea, eta elkarteak harremanetan jarriko dira zurekin.
Bestela ere edozein galdera baduzu, lasai asko idatz dezakezu londonbasquesociety@gmail.com helbidera. Eskerrik asko.
Lagun bati bidali
Komentarioa gehitu
