euskalkultura.eus

Pixkanaka osatzen doa Eusko Jaurlaritzaren egitura eta organigrama berria. Kanpo Harremanei dagokienez --eta hor kokatzen da euskal etxeez arduratzen den Kanpoan den Euskal Komunitatearentzako Zuzendaritza-- Urkullu lehendariak orain arte Kanpo Harremanetarako idazkari nagusi izan den Marian Elorzaren aldeko apustua egiten segituko du, Kanpo Harremanen ardura berriro ere Elorzaren esku utziz.

Vitoria-Gasteiz. Urkullu lehendakariak Marian Elorzari (Zumarraga,1967) egotziko dio berriz ere Jaurlaritzaren Kanpo Harremanen ardura, orain arte bezala Kanpo Harremanetarako idazkari nagusi postuan berretsiz.

Hori argituta, hurrengo mailako izendapenetan, zenbait iturri aldaketa bati buruz mintzo dira Kanpoan den Euskal Komunitatearen Zuzendaritzan Asier Vallejo Itsasori txanda hartuko dion pertsona berri bat izendatuz, ofizialki ezer berretsi ez bada ere.