euskalkultura.eus

Donostia-San Sebastián. Diasporako euskaldunak hasi dira jada mugitzen Korrika 18ri ongi etorria egiteko eta munduko bazter eta txoko askotan ari dira ekitaldiak prestatzen. Aurreko edizioetan bezala, aurten ere Londresen, Madrilen, Bartzelonan, Berlinen, Mexiko DFn, New Yorken, Boisen, Txileko Santiagon, Buenos Airesen eta La Platan Korrikaren omenezeko lasterketak egingo dira eta euskal etxeetako korrikalariak hiri hauetako kaleetan lasterka egingo dute, euskararen aldeko aldarria nazioartera hedatuz. 

Diasporan ere Korrikak edizioz edizio jarraitzaile gehiago biltzen ditu eta aurten lasterketak muga berriak hautsiko ditu, hiri eta herrialde berrioak emendatuz: Polonia, Hungaria, Txekia, Geneva, Belfast, Liverpool eta leku gehiagotan ere egingo dira ekitaldiak. Datozen asteetan horien guztien berri emango dizuegu gure agendan.

Antolatu zeurea

Hiri hauetan guztietan hasi dira jada Korrika prestatzen, baina zure euskal etxean ere antzeko ekitaldiren bat antolatu nahi baduzu, ez zazu zalantzarik izan eta jar zaitez harremanetan AEKrekin, e-maila idatziz hona. Antolakuntzak lasterketa petoak eta Korrikako materiala helaraziko dizu.

-Korrikaren webgunea, hemen