euskalkultura.eus

Buenos Aires, Argentina. Bistan denez, Jose C. Paz-eko eta Buenos Aires probintziako alde honetako prentsa eta komunikabideak arduratu dira senidetzearen hamargarren urteurren honi merezin duen oihartzuna emateaz. Izan ere, Jose C. Paz-en zaindu nahi duten harremana da herri gipuzkoarrarekin daukatena, eta eragina ere eragin polita dauka Buenos Aires probintziako txiroenetakoa den 200 milatik zertxobait gora biztanle dituen Jose C. Pazen.

EuskalKultura.com-ek egindako segimenduaz aparte (kus eskuineko zutabean), beste komunikabide idatzi batzuk ere lekua egin diote eta atera dute artikulurik gaiaz. Oñatitik Jose C. Paz-era etorri den ordezkaritzak eta hemen egin dioten ohorezko harrerak ere izan du zerikusirik. Euskal Herrian, Diario Vasco egunkariak artikulu bat eskaini dio joan den larunbatean bertan. Euskaraz, ez dugu EuskalKultura.com-ek idatzitakoaz gain besterik aurkitu. Hona hemen pare bat lotura itsasoz bi aldeetako egunkarietara:

-Noticias Paceñas: Plaza del Hermanamiento
-Diario Vasco: Diez años hermanados