Villa María, Argentina. Iritsi berriak dira Villa Mariara 2018ko ‘Anima Zaitez!’ truke programan parte hartuko duten Euskal Herriko lau gazteak. Nerea Aretxabaleta Aramendi bizkaitarra, Beñat Aizpurua Vazquez gipuzkoarra, Oihane Ardanaz Garasa nafarra eta Gorka Etxeandia arabarra Argentinan daude eta larunbatean Sanferminak Rosarioko Zazpirak Bat-en ospatu ondoren, harrera egin zieten atzo Villa Mariako Euzko Etxeko lagunek, afari batekin.
Programaren egitarau ofiziala gaur hasiko da; arratsaldeko 3etan herri kirol tailerra egingo da eta gaueko 9etan, helduentzako dantzena. Eskolak uztailaren 21era arte luzatuko dira eta uztailaren 22an azken agurra emango diete etxekoek bisitariei despedida afari batekin.
'Anima zaitez!' programari buruzko informazio gehiago, hemen.
Lagun bati bidali
Komentarioa gehitu
