euskalkultura.eus

Albisteak

Kirmen Uribek, Felipe Juaristik eta Ruper Ordorikak Six Basque poets aurkeztu dute Ingalaterran eta Irlandan

2007/10/12

Liburuan sei euskal poeta ezagunen lanak bildu dira: Bernardo Atxagarenak, Rikardo Arregirenak, Felipe Juaristirenak, Miren Agur Meaberenak, Kirmen Uriberenak eta Joseba Sarrionandiarenak. Euren lana Ingalaterran eta Irlandan entzun ahal izan da Kirmen Uribe eta Felipe Juaristiren ahoetatik. Ruper Ordorikaren parte-hartzea ere izan dute, bera izan baita errezitalak musikaz laguntzeko arduraduna.

Hiru geldialdiko bidaia izan da; Ingalaterran, Yorkshire konderriko Beverly-n izan ziren lehenengo. Ondoren Manchesterren egin zuten hitzordua bertako Literatur Jaialdia zela eta, eta azkenik Dublingo Cervantes Institutuan aritu ziren errezitatzen. Nahiz eta hilabete hasieran egindako bidaia motza izan zen, euskal literatura jende askorengana iristea lortu dute.

Kirmen Uribek eta Felipe Juaristik euren poemak eta euren lagunenak errezitatzen zituzten bitartean, Ruper Ordorikak musikaz laguntzen zien. Bi hizkuntzetan egin zituzten bertsioak, euskaraz eta ingelesez. Itzulpena egiteaz Miren Gabantxo arduratu da eta liburuko poesiak aukeratu dituena berriz Mari Jose Olaziregi izan da.

Six Basque poets liburua Erresuma Batuko Arc argitaletxeak kaleratu du. Irakurketa ozenei dagokienez, ez da lehenengo aldia Euskal Herriko mugetatik kanpo irakurtzen dena. Lanaren aurkezpena bera, abuztuaren 12an, Edinburgheko Literatura Jaialdian izan zen, Bernardo Atxaga, Rikardo Arregi eta Miren Agur Meaberen eskutik.


Lotura interesgarriak

Arc argitaletxea
www.arcpublications.co.uk

Liburuaren aurkezpena
Euskalkultura.com-en argitaratua 2007ko abuztuaren 7an

---

---

Irakurrienak

• 2024/11/14
  AEBn bizi zara eta hiru astez euskal kulturan murgildu nahi duzu Euskal Herrian, doan? Epea azaroaren 18an itxiko
• 2024/11/15
  Patxi Bisquerten azaroaren 30ean estreinatuko du Zizurkilen ‘Ombuaren Itzala’, eta abenduaren 12an Hika Txakolindegian
• 2024/11/11
  Baskongado eta nafarren presentzia Mexikon XVI-XX mendeetan aztergai CDMXn egingo den Kongresuan
• 2024/11/18
  Animazio handia Bahia Blancan 2024ko Euskal Aste Nazionalean, bertako Unión Vascaren 125 urteurrena ospatuz
• 2024/11/15
  Online egin ahal izango den Mintzodromoa gaur Bahia Blancan, 2024ko Euskal Aste Nazionaleko asteburuari ekinez

Azken komentarioak