Barranquilla, Kolonbia. Karibeko Euskal Etxeak gonbidapena luzatzen die Kolonbian diren euskaldunei, euskaldunen lagun eta euskaltzale guztiei, baita musika maiten pertsona orori ere, bereziki Karibe Kolonbiarrean bizi direnei, datozen asteazken, ostegun eta ostiralean Barranquillan antolatu dituzten emanaldiak ikustera joan daitezen. Jon Moma kantari gazte ermuarrak (Bizkaiko Ermua herrikoak) orain artean plazaratu duen lan bakarreko, 'Universos'ko, kantak eta beste zenbait pieza hautu kantateko kontzertu sorta prestatu baitu.
Diskoa "gaztelaniaz eta euskaraz ere egindako popa eta rocka fusionatzen dituen album kontzeptuala da, eta ondo islatzen du nola erlazionatzen garen mundu naturalarekin eta nola eragiten duten elementu horiek gure bizitzetan eta emozioetan", azaldu diote EuskalKultura.eus-i Karibeko Euskal Etxea elkartetik talde antolatzaile horretako Guillermo López (lehendakaria) eta Ariel Artetak (lehendakariordea).
Nire bazterrak' izeneko kantua, Jon Momak Barranquillan euskaraz abestuko duen piezetako bat.
.
'Universos dispares' kantaren bideoklipa, Jon Momak berak konposatu eta interpretatua, beste guztiak bezala.
Hiru dira antolatutako kontzertuak, Karibeko Euskal Etxea-Casa Vasca del Caribe, Atlantikoko Artxibo Historikoa, Casa Morón eta Balthazar Social Club elkarte eta erakundeak lankide, "Barranquillan, Karibe Kolonbiarraren hiriburu den honetara ekarritako musika ekitaldi eta aukera berezi eta bakarra izango da gure eskualdean euskal kulturaren ekarpenak ospatzeko", azpimarratu dio Guillermo Lópezek buletin honi. Hauxe izango da emanaldien kronograma_
Asteazkena, 2024ko abuztuaren 14a
- Ordua: 19:00etan
- Lekua: Auditorioa, Aduanako Eraikin Zaharra
- Helbidea: Cl. 40 #36-135
Osteguna, 2024ko abuztuaren 15a
- Ordua: 19:00etan
- Lekua: Casa Morón
- Helbidea: Cra 53 #48-154, Barrio Abajo
(Borondatetsiko ekarpena Showaren ostean)
Ostirala, 2024ko abuztuaren 16a
- Ordua: 20:00etan
- Lekua: Balthazar Social Club
- Helbidea: Cra 51B #76-163
- Jon Moma Instagramen: www.instagram.com/jon.moma
- Jon Moma Spotifyn: https://open.spotify.com/artist/7IhgDAkn53i7DlKGpBbO1Q
- Jon Moma Youtuben: https://www.youtube.com/@jon.momamusic
Lagun bati bidali
Komentarioa gehitu
