Donostia-San Sebastian. Aste honetan plazaratu du Txertoa argitaletxeak Juan Lekue Goikuriaren 'Solitude' eleberria. Gaztelaniaz idatzia, lana internetez eros daiteke dagoeneko eta berehala iritsiko da liburudendetara. Argitaletxeak zabaldutako erreseinan esaten denez, Solitude Jean Claude eta Lucilleren istorioa da, XX. mendearen hasieran, beste hainbat euskaldun bezala Estatu Batuetara etorkizun hobe baten bila emigratu zuten bi protagonista hauena, muturreko bizi-baldintzen eta atzean utzitako 'Old country'aren artean harrapatuta.
Euren seme Hudsonek berreraiki egiten du, alde batetik, bidaia transatlantiko neketsua, Ellis Uhartera iristea eta ia berehalako bidaia luzea Nevada edo Idaho estatuetara iristeko, artzaintzara dedikatzeko, gizonen kasuan, eta etxeko zerbitzura, emakumeenean. Eta, bestetik, 20ko eta 30eko hamarkadako New Yorkeko bizitza, moda-klubak, musika, zinema, futbola...
Honela, Solituden, nahasi egiten dira indioen aurkako hilketa eta mendekuei buruzko istorioak, lege lehorreko whiskey trafiko klandestinoa edo bakardadeak zoratzera eramaten dituen artzainen istorioak, Oesterako bidean zeuden euskal ostatuetan kontatuak, protagonisten artean, besteak beste, sartu-intenak egiten dituztela Ravel, Salinger, Chaplin edo Uzcudun bezalako pertsonaiek.
Agirre lehendakaria ere agertuko da bat. Egiari zor, baliteke Hudson bera ez izatea berreraikitze harrigarri honen egilea, nortasuna usurpatu dion Angus izeneko eskoziar emigrante bat baizik. Solitude, une batez mundu eta garai bateko kronika izaera hartzen duen lan hau, batez ere nobela bikaina baita, amaitzen da erreseina.
Lagun bati bidali
Komentarioa gehitu
