Sabrina Otegi / Buenos Aires, Argentina - Lima, Peru. Julen Mneses Vergara Limako Euskal Etxera joaten hasi zenean aitari mus partidetara laguntzeagatik izan zen gehienbat. Baina berehala hasi zitzaion gustatzen eta jokoak berak eta muslarien giroak harrapatu egin zuen, denbora gutxiren buruan bera ere jokatzen eta disfrutatzen hasi arte. Gaur egun, Euskal Etxeak bazkideei egiten dizkien proposamen abantxu guztietan hartzen du parte. Proposamen horien helburua, astiaren eta kulturaren bideak aberastea eta bazkide eta lagunei euskal sustraiak hobero ezagutzen laguntzea.
Ez du orain arte Julenek Euskal Herria bisitatzeko aukerarik izan. Baina ahal izanez gero bere amonaren herria ezagutzeko ametsa du Julenek. “Tolosara joan nahi dut, amonaren jaioterria ezagutzeko, bertan lortu baitzuen gaur den eta nik miresten dudan pertsona izatea”, adierazi digu gazteak.
Gaztea izanagatik, baina, ibilia da mus txapelketetan eta parte hartu izan du, esaterako, Munduko norgehiagoka batean, Peruko ordezkari. Inpresioak eta aholkuak ere eskatu dizkiogu musean hasi nahi duten gazteentzat.
Mila esker, Julen!
[Peruko Euskal Etxeko Julen Meneses Vergara muslariari egindako elkarrizketa]
Limako Euskal Etxea Facebook-en: Euskaletxea Centro Vasco - Perú
Lagun bati bidali
Komentarioa gehitu
