euskalkultura.eus

Chascomus, Argentina. Joan den martxoaren 13an Buenos Aires Probintziako Diputatuen Ganberako kide den Juan Alberto Gobbi jaunak Zingirako Euskaldunak Euskal Etxea bisitatu zuen, bere lankide Daniel Giacobonerekin batera. Diputatuak euskal-argentinar elkarteko instalazioak ezagutzeko aukera izan zuen eta Zingirako Euskaldunak-en Zuzendaritza Batzordearekin eta elkarteko beste zenbait taldeekin bildu zen. Bilera hau 'oso emankorra' izan zen, Zingirako Euskaldunak-eko idazkari den Pedro Maureguik EuskalKultura.com-i azaldu dionez.

[Juan Alberto Gobbi diputatua Zingirako Euskaldunak-eko kideekin bilduta (argazkia ChascomusEE)]

Bileran Zuzendaritza Batzordeak emandako dirulaguntzarengatik eskerrak eman zizkion Gobbiri. Era berean, solasaldian elkarteak datozen hilabeteetan garatuko dituen ekimen, jarduera eta ikastaroei buruzko informazioa eman zioten Zingirako Euskaldunak-eko kideek diputatuari.