Boise, Idaho, AEB. Etxepare Euskal Institutuak Boiseko Estatu Unibertsitatean (BSU, Boise State University) sustatzen duen Eloise Garmendia Bieter Katedrak gonbidaturik bi asteko egonaldia egiten ari da otsailaren 10etik hiriburu idahotarrean Josu Elberdin (Pasaia, 1976) konpositore, abesbatza zuzendari eta musika irakaslea. Bi aste hauetan, Unibertsitateko Musika departamentuko Richard Huttonekin batera, abesbatza eta orkestrekin lan egin du, entseguak eta musika dinamikak landuz.
Konposizio ikasleekin ere aritu da Elberdin eta bi hitzaldi ere eman ditu: ‘Musika, boterea eta politika: euskal kasua’ (otsailaren 10ean) eta ‘Musikareneraldatzeko ahalmena eta koru kantua gaur egungo munduan' (otsailaren 12an).
"Amorioa" kantua Josu Elberdin moldatzaile, Euskal Herriko Gazte Abesbatzak kantatua, Basilio Astulez zuzendari, Tolosako Abesbatzen Lehiaketan 2021ean. Josu Elberdin Euskal Herriko koru musika konpositore garaikide garrantzitsuenetakoa da, irakasle, koru zuzendari eta organista izateaz gain. Konposatzaile gisa musika sinfonikoa, pop-rocka eta instrumentala ere konposatzen du. Emaiozu bistadizoa bideoari, harrituko zara!
Baina zalantzarik gabe, musikaria Boisen egiten ari den epe honen gailur eta une garaienetako bat, datorren igandekoa izango da, egonaldiaen amaiera kontzertua eskainiko baitu. ‘First Presbyterian’ Elizan gauzatuko duen emanaldian bere lanetako batzuk aurkeztuko ditu Elberdinek, tartean William Shakespearek idatzitako eta Juan Gartziak euskaratutako bi soneto, berak musikatuta.
Kontzertuan Unibertsitateko ‘Meistersingers’ taldeak eta Patty Gabica zuzendari duen Boiseko Biotzetik Euskal Abesbatzak abestuko dute. Hitzordua otsailaren 23an izango da; arratsaldeko 7etan kontzertu aurreko mintzaldia, eta 7:30etan, kontzertua bera.
Josu Elberdin sareetan,
- Weborria: www.elberdin.com
- Instagram, elberdinjosu
Lagun bati bidali
Komentarioa gehitu
