Reno, Nevada, AEB. Zabalik da epea Reno Nevadako Unibertsitatean, Etxepare Euskal Institutuak eta 'Nevada System of Higher Education'ek sustaturik, 2025 urteko ekitaldirako Jon Bilbao Katedrarako ikertzaile gonbidatua hautatzeko deialdia. Aurtengoan, Euskal Diaspora gaiari buruzko ikerketak Jorge Oteiza, Bixente Larrea edo Remigio Mendiburu artisten bizitza eta lana beharko du hartu abiapuntu, UNR (University of Nevada, Reno) unibertsitatean hilabeteko ikerketa egonaldia eginez abuztuaren 27tik azaroaren 30era bitarteko egunetan. Etxepare Euskal Institutua, UNRko Jon Bilbao Euskal Liburutegia eta UNRko William A. Douglass Center for Basque Studies lankide dira ekimen honetan.
Ikertzaileak Renoko Jon Bilbao Euskal Liburutegiko eta UNRko gainerako baliabideak erabili ahal izango ditu bere lanean. «Jon Bilbao Visiting Research Fellow 2025» hautatzen denak doktore gradua izan beharko du eta unibertsitate-ikertzaile edo irakasle izan. Hemen topa ditzake Deialdiaren xehetasunak: ingelesez, euskaraz eta gaztelaniaz. Informazio gehiago eta kontsultetarako, eta baita eskabidea eta dokumentazioa bidaltzeko ere kontaktatu Jon Bilbao Euskal Liburutegian Iñaki Arrieta Baro arrieta@unr.edu emailean. Eskabideak onartzeko azken epea maiatzaren 2a izango da.
Lagun bati bidali
Komentarioa gehitu
