Jaio zirela ehun bete direnean Debabarrenako sei pilotari gogora ekarri dituzte artikulu batean

2010/08/09

Miami Jai-Alaiko egungo irudia (argazkia EuskalKultura.com)

PUBLIZITATEA

Orain gauden 2010. urte honetan Guillermo Amuchastegui , 'El Monarca' eta 'El Milagro de la Pelota', puntista imitaezin ondarroarra jaio zeneko mendeurrena ospatzen ari da Bizkaian, bertako zenbait eragile publiko eta pribatuen eskutik. Karia horretara, eta Amuchasteguiren balio handiak aitortuz eta omenaldia ere sostengatuz, duela ehun urte jaiotako beste dozena erdi bat pilotariren gomuta ekarri nahi izan dute Miguel Angel Bilbaok eta Eusebio Gorritxategik artikulu batean, garai berean eta kantxa beretsuetan ibili ziren Debabarreneko sei puntistarena.

Mutriku, Gipuzkoa. Artikulua, gaztelaniaz eman da argitara Donostiako El Diario Vascon, baina norbaitentzat interesgarri izan zitekeelakoan hona ekarri nahi izan dugu erreferentzia. Artikuluak aipatzen dituen pilotariak hauek dira, guztiak mutrikuarrak --Etxaburu Badiola kenduta, hau ondarroarra-- eta Ameriketako eta munduko frontoietan zinez ibiliak: Angel Iturrrino Pagoaga 'Benitin' edo 'Galenito', Roque Maguregui Agirregomezkorta 'El Hércules de Motrico' eta 'El piano', German Galarraga Ezenarro, Juan Bautista Etxaburu Badiola 'Sorpresa', Saturnino Barrenetxea Ituarte 'Satur', Ignacio Ulacia Elezgarai 'Traputxo', eta Esteban Urreisti Etxeberria.

Artikulua, bere bertsio originalean hemen irakur daiteke

Azken komentarioak

Elkarriketa galdea
Jose Luis aipzuru
Hendaia
2024/11/15
FET
Benoît Etcheverry
Baiona
2024/07/18
Zorionak eta aurrera!
Oskar de Goitia-Durana
São Paulo, Brasil
2024/05/01
La Platan Eguzkipean
Sonia Oceja
Durango
2024/02/16
Ederra!
Patxi Etxeberria
Donostia
2023/11/20

euskalkultura.eus

Albisteak

Jaio zirela ehun bete direnean Debabarrenako sei pilotari gogora ekarri dituzte artikulu batean

Erlazionatutakoak

Irakurrienak

Azken komentarioak