euskalkultura.eus

Donostia-San Sebastian. Astearte honetan, otsailaren 28an, bukatuko da Donostiako Elias Querejeta Zine Eskolan (EQZE) izena emateko epea. EQZE unibertsitate eskola da, UPV/EHUra atxikia, eta graduondoko ikasketak eskaintzen ditu pertsonen arteko konpromisoaren testuinguruan eta zineman erabat murgilduta. Programa akademikoa eratuta dago, bai goi mailako unibertsitate titulu bat (lizentzia edo gradua) duten edo hura lortzeko prozesuan dauden ikasleentzat, bai zinema eskolaren batean egresatu diren ikasleentzat. Salbuespen gisa, aurre baldintza horiek bete gabe zinema esperientzia egiaztatua duten hautagaien kasu partikularrak aztertuko ditu zentroak. EQZE ez da zinema ikasleentzako eskola; aldiz, ikasi, ikasten jarraitu, ikertu eta harritzen jarraitu nahi duten zinemagileentzako eskola. Kurtso berria 2023ko irailaren 18an hasiko da eta 2024ko abenduaren 20an amaituko (15 hilabete).

Hiru graduondoko programa: Artxiboa, Komisariotza eta Sorkuntza. Tituluak:

-Etengabeko prestakuntzako masterra: Artxibo Zinematografikoa eta Ikus-entzunezkoa
-Unibertsitate Hedakuntzako Diploma: Artxibo Zinematografikoa
-Etengabeko prestakuntzako masterra: Komisariotza Zinematografikoa eta Ikus-entzunezkoa
-Unibertsitate Hedakuntzako Diploma: Komisariotza Zinematografikoa
-Etengabeko prestakuntzako masterra: Sorkuntza Zinematografikoa eta Ikus-entzunezkoa
-Unibertsitate Hedakuntzako Diploma: Sorkuntza Zinematografikoa

Matrikularen prezioa 4.200 eurokoa da. Badaude 2500 euroko bekak gipuzkoarrentzat, Gipuzkoako Foru Aldundiak emanak; baita Ibermedia programa iberoamerikarrekoak ere, 3.333 dolarrekoak, 23 herrialde hauetakoentzat, Argentina, Bolivia, Brasil, Txile, Kolonbia, Costa Rica, Kuba, Ekuador, El Salvador, Espainia, Guatemala, Honduras, Italia —herrialde gonbidatua—, Mexiko, Nicaragua, Panama, Paraguai, Peru, Portugal, Puerto Rico, Dominikar Errepublika, Uruguai eta Venezuela; eta 10.000 erreal brasildarrekoak Brasilgo herritarrentzat, Projeto Paradisok emanak Komisariotza ikasketak egin nahi dituztenentzat. EQZEn onartuak izan ondoren lortu ahal izango dira bekok.

Xehetasun eta argibide guztiak Elias Querejeta Zine Eskolako webgunean topa daitezke

Elias Querejeta Zine Eskola
Tabakalera · Andre zigarrogileak plaza, 
20.012 Donostia-San Sebastián
www.zine-eskola.eus
Facebook - Twitter - Instagram
Tel: +34 943 545005
Email: info@zine-eskola.eus