euskalkultura.eus

Ostegunean abiatu zen Korrika 19 Urepeletik, eta Euskal Herrian ehundaka kilometro egin ahala, munduan zehar inoiz baino urrunago heldu da euskararen aldeko oihua, Diasporako euskaldunei esker. Hegoafrikan, Saharan, Nikaraguan, Australian, Mexikon... ozen eta argi entzun da euskaraz bizi nahi dutenen aldarria. Jarraian, bideoak eta argazkiak.

Donostia-San Sebastian. Munduko hainbat tokitara heldu da Korrika 19 eta guk hango eta hemengo argazki eta bideo bilduma hau prestatu dugu. Nikaraguan, esaterako, Masayan herritik bideo eder hau heldu zaigu. Han Magisteritza eta Gizarte Langintzako lau ikasle praktikak egiten ari dira Oscar Arnulfo Romero eskolan eta han ere euskararen aldeko mezua zabaldu nahi izan dute:

Londresen, aldiz, London Basque Society-k aspalditik betetzen du Korrikarekin hitzordua eta aurten ere ekitaldi berezia antolatu dute Thames ibaiaren ondoko pasealekuan. Bideo eder honetan jaso dituzte eguneko ekitaldiak:

Jarraian, munduko beste zenbait tokietako Korrika ekitaldien argazki albuma: Cancun, Sydney, Johanesburgo, Bartzelona, Madril...